石修晒逼真畫作　原來係李龍基太太手筆！

「御用皇帝」李龍基太太Chris原來係畫畫高手！李龍基好友石修喺社交網晒出畫作，並留言：「李龍基兄太太 Chris，神來之筆，畫出彩虹，兩幅作品栩栩如生。」見畫作好似相一樣，唔認真睇都唔知係畫嚟，果然犀利！李龍基受訪時表示：「感謝大家，她很業餘的！不要太過賞了！」

69歲李龍基經歷過2段婚姻，同現任太太Chris相差28年，上年Chris懷孕，可惜最後小產，李龍基體貼地陪伴在側。呢段「父女戀」拍拖4、5年先修成正果，李龍基非常愛錫太太，將中港所買嘅7個物業，全部落晒太太名下，就遷就身為內地人嘅太太，仲搬去深圳住。