58歲李麗珍母女合照似兩姊妹 女兒倚榕精心打造 預祝母親節 “兩母女第一次一齊喺影樓影相 好有紀念價值 慶祝埋媽咪入行40年” 與張明偉 阮政峰玩配音 一致激讚“ “無諗過反應咁好” =================================== 曾是一代女神的 #李麗珍,縱使年屆58,加上扚起心肝減肥,成功減去20磅,令狀態回勇。日前女兒 #許倚榕(#Annise)在社交平台上載一張母女在影樓拍攝的合照,寫道︰「母親節將近 紀錄我們第一次合影 🎞」相中李麗珍拍埋27歲女兒身邊,似兩姊妹多於兩母女。唔少網民留言都說母女各具美態︰「珍妹,後生過你嘅都未必有你keep得咁好,勁!👍🏻👍🏻👍🏻」、「不老女神」、「女兒不像你,但都靚女,有氣質」。 李麗珍女兒Annise跟《娛壹》說,原本這輯靚相計劃在一月拍攝,送給媽咪的生日禮物,及慶祝她入行40年,但媽咪病了,拍攝延期,結果生日禮物變母親節禮物,Annise說︰「媽咪減咗肥,狀態好,靚咗好多,咁影番輯靚相。我哋倆母女第一次一齊喺影樓影相,好有紀念價值。」 至於母親珍妹滿唔滿呢輯靚相? Annise謂︰「佢好高要求㗎,又話自己未係最佳狀態,不過好在佢都鍾意輯相。」身為設計師的Annise亦常常幫媽咪襯衫,是珍妹半個形象顧問。今次這輯靚相的服裝,獲設計師Vivian Luk贊助。 正職做設計,閒時兼顧KOL工作的Annise,最近同 #張明偉、#阮政峰 為動畫《玩轉腦朋友》外傳再配音,三人出色表現,獲得網民一致激讚。尤其並非幕前人的Annise,被發現有配音天份,她謂︰「佢倆個玩先,之後需要一把女聲,問我試唔試下,咁咪玩下囉!發現原來我把聲咁卡通,媽咪都係咁講。見到好多人讚我哋,我無諗過反應咁好。(記︰若果有人搵你為動畫電影配音,夠唔夠膽試?)即管練下、學下,實得嘅。我都覺得過程好玩。」 至於幕前發展,Annise說一直無打算,亦冇人敲門。「首先冇人搵我拍戲,第二我只enjoy網上拍片,壓力少啲。我亦無諗過喺演藝圈發展,而家做下KOL幾好,又可以繼續做我嘅design工作。」 攝影︰Kim( IG︰ @lamma ) #娛壹