李香琴設靈 │女兒蕭芷筠不抗拒李樹佳到場:每一個拜祭琴姐都歡迎|香港01|即時娛樂

李香琴設靈 │女兒蕭芷筠不抗拒李樹佳到場:每一個拜祭琴姐都歡迎

撰文:
最後更新日期:

李香琴設靈,一眾琴姐身前好友紛紛前來,女兒蕭芷筠及契仔陸永昌一齊接受訪問,蕭芷筠表不帛金將會作慈善用途:「因為琴姐係粵劇出身,佢由粵劇先轉去電影、電視呀咁樣,所以帛金就會捐去畀八和會館,因為就嚟過農曆年,希望八和入面有好多老人家、長者,等佢地多一封利是過新年。」

李香琴女兒蕭芷筠及契仔陸永昌接受傳媒訪問。(陳順禎、梁碧玲攝)

場中有不少親友到場,而曾經被琴姐公開脫離姊弟關係的李樹佳,亦有致送花牌,蕭芷君表示如果李樹佳前來亦會歡迎對方,她說:「(有冇同阿李樹佳聯絡?)冇呀,(有冇打電話畀你問候?)佢冇我電話(但佢有花牌?)咁佢一定知架啦,報紙早輪每一日都賣,咁佢有聯絡我的朋友,聯絡我的朋友,我就冇聯絡佢,我就話,如果你有琴姐心嘅,就梗係歡迎嚟啦,咁就隨佢意思啦,(如果佢嚟,你都歡迎佢嘅?)當然,當然,每一個嚟拜祭琴姐都歡迎,(係咪都好耐冇見佢?)好耐冇見,自從阿琴姐,喺報紙、喺電視,宣布咗同佢脫離關係之後呢,我地都冇見喇。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。