知名鋼琴家 #李雲迪 因涉嫌 #嫖娼被行政拘留，令人震驚！中國音樂家協會随即發聲明取消佢嘅會員資格，而央視網則發文批評李雲迪係「自作孽不可活」！嫖娼事件令李雲迪形象插水，佢參與嘅內地節目《披荊斬棘的哥哥》，有佢亮相嘅集數已全被下架，演藝事業停頓，極可能被演藝公司、佢代言嘅十多個品牌追討天價違約金。另外有內地媒體聲稱，李雲迪 #唔係第一次因嫖娼被捕，今年上半年就試過出事，不過當時消息未有流出，亦有聲稱知情嘅網民爆料指內地警方發現李雲迪經常喺固定時間嫖娼，又用實名支付款項，每次交易高達1萬元人民幣，最終將其拘留。如果以上消息屬實，李雲迪就係慣犯。