重記唔記得細個時先生教我哋寫呢個字，正確嘅寫法應該係寫「麪」，唔係「麫」，亦唔係「麵」，而呢個「面」就一般都覺得係留嚟〔洗〕嘅。

小學嗰時，先生一直提醒我哋：中國人要正確咁運用中國字，有好多大人都會用錯同寫錯，當時先生亦提到：現代嘅小學生錯別字實在太多，你哋都要記住正確嘅用法，先至唔會喺第日用錯咗畀人哋笑。不過，先生就唔知，之後嘅學生錯別字問題越來越嚴重，如果當年寫「麵」或者「麫」會畀人笑，咁依家識得將正確嘅「麵」或「麫」寫出來嘅人已經越來越少。而我哋自己亦從來未真正搞清楚點解真正嘅寫法係「麪」。

「麪」點解係咁寫呢？因為「麪」呢個字係從「麥」同埋「丏」而來嘅，而「丏」呢個字有遮蔽、或唔見咗嘅意思。「麪」係麥磨成嘅細粉，易散失唔見。所以，字形上就將「麥」加上「丏」，合起來就係「麪」；另外，屬於「麥」類嘅嘢，所以左邊用「麥」嘅字形，我哋一睇就知道呢樣嘢嘅來源，而右邊嘅「丏」，就成為呢個字嘅讀音，呢種字就叫做「形聲字」。

當然，依家「麫」、「麪」、「麵」呢幾個字都通用咗，而呢個「面」字亦有好多人會攞嚟〔洗〕同埋攞嚟〔食〕添。

細個時先生一定要我哋知道中文字嘅正確寫法，仲話咁樣先至可以保持中國文化嘅精髓〔耳提面命〕。喺當時覺得古板嘅提醒，喺依家睇來，佢哋真係意味深長。中國文化係要透過真正瞭解精神同精髓去真正承傳，而唔係只係有形無實，只係學寫字形而唔知字意，只有文字嘅軀殼而冇曬精神意涵嘅。

文：大塋學習

〔圖：網絡．修〕

〔香港語文．廣東話資料館〕