李錦基越南飲食 (已結業)

去完屯門最出名嘅幻愛橋，之後行到啟豐商場搵美食，結果行咗一間好特別嘅越南美食，香港呢間舖頭已經開咗20幾年，唔算座無虛席，但人客亦不少，香港越南菜而言，價錢十分便宜，一開始以為會中伏，兩個人叫咗好多嘢食，生牛肉河 ，扎肉蝦片 ，燒牛肉河，仲有呢度嘅招牌春卷，樣樣都幾好食，高性價比。生牛肉河：牛湯非常濃厚，聽聞用咗新鮮牛骨煲左10幾個鐘，河粉用咗金邊河粉，河粉10分滑溜面幼長，生牛肉就幾好食，牛味濃厚，不似其他餐廳一般薄薄的生牛肉沒有口感。扎肉蝦餅：蝦餅上加上扎肉檬粉碎，淋上越式酸汁，十分開胃，食咗四舊停唔到口想來想多四舊。另外叫了香茅燒牛肉河，香茅味醃製的燒牛肉，十分香口，牛肉完全不銀，浸落河粉上面食，唔知點解就係嚟咗特別嘅化學作用啊更加好味呀。招牌春卷：名不虛傳，完全同出邊食嗰啲春卷係兩件事，但價錢不算便宜，生菜食呢就肥而不油膩，一咬落口尋一聲，超級香脆，是必食的招牌菜。總括而言，呢間係屯門少數性價比咁高嘅餐廳。去咗屯門最出名嘅幻愛橋，之後行到啟豐商場搵美食，結果行咗一間好特別嘅越南美食，香港呢間舖頭已經開咗20幾年，不算座無虛席，但人客亦不少，香港越南菜而言，價錢10分便宜，一開始

是日相約2個好朋友返屯門碼頭, 一齊回味惜日返學既日子響啟豐兜左一圈, 有唔少轉變,有好多我地舊時成日幫襯既食店, 都消失左,仍然站得住腳既, 呢間係其一仍然戒口中, 唔係我一定揀香茅牛!落餐飲時呀姐好怪, 我話要咖啡, 佢問係咪越南果隻, 我問有無普通果d, 佢話有, 但都係要另加$10,我問有咩分別, 佢又答我無分別, 得一隻咖啡,我勁多問號??????????唔煩喇, 叫奶茶算~春捲係即炸, 食落香脆, 內餡飽滿檬粉彈牙, 唔會一餅餅痴埋一齊撈檬酸汁味道剛好, 唔會過酸搶喉, 越食越開胃配料響面既有蔥,炸蒜, 響底既有青瓜絲, 生菜絲,  入口清新爽脆可能人大左, 選擇多左, 所以覺得味道唔再似以前咁好食, 但佢可以成為街坊多年支持既小店, 屹立不倒到呢刻,我諗係因為一份感情

下午茶落咗樓下食呢間係屯門碼頭都算好出名今次食咗佢個火車頭湯河湯底有得嗌小中大辣火車頭有咩餸呢分別有牛丸牛肉牛柏葉牛丸爽口彈牙牛肉都新鮮爽牛百葉就正正常常爽口味道真係唔錯不過$50就有啲貴

商場入面其實有好多唔同種類嘅食肆， 不過都係鍾意間越南嘢食，種類算多，而且夠抵食。香茅炸雞翼飯香茅雞翼係啱啱炸起嘅，食落外皮脆卜卜，熱辣辣，撈飯食一流。豬扒凍檬豬扒同樣係啱啱炸起， 放喺爽口嘅凍檬上一齊食，特別可口。

呢間越南餐廳都幾正宗，而且價錢都幾平。呢碗係火車頭辣河粉($47)，有生牛肉、熟牛肉、牛腩、牛栢葉同牛丸，最有驚喜係牛栢葉，好爽口，牛腩厚度恰好唔太韌。雖然湯底睇落好紅，但唔算好辣，有點微酸，非常惹味👍🏻

喺屯門碼頭，呢檔嘢算好出名，啲嘢係好食嘅，我特別鍾意香茅豬扒，同埋烤牛肉撈矇。價錢平，所以每逢食飯時間都超級多人，由於唔休做，所以啲姐姐態度都幾麻麻，入到去唔好諗住佢會理你，同埋食完就要快啲走，如果唔係被白眼，不過呢個價錢買到呢個食物質素，唔好諗住買埋服務。

朋友推介依間越南店，抵食又好味可惜平日很早就關店～～放假約左男朋友係屯門碼頭，當然要品嚐下叫了香茅雞翼湯檬+麻辣湯底（另+$4）怕太辣又想食辣既朋友，可以叫小辣～雞翼分碟上平時食撈檬多⋯今次食湯檬好味～～～一碗唔夠可以追加小食

如果要諗起食越南野一定會諗起屯門人一定會諗起食李錦記 或者小巴黎香茅牛肉飯 加咖喱汁係好味另外 火車頭粉其實真係幾特色香港好少地方有得食再加一個點滴咖啡真係不錯有越南風味👍🏻👍🏻

係附近住咁耐都已經食過無數次，今日襯年三十晚打次食評今日臨近收爐，好多人食果d燒豬燒牛賣最lu, 平時我食開凍檬湯檬，男朋友就食豬扒飯燒牛肉飯，次次都飽到抱住個肚走，今日乜都無既情況下叫左札肉凍檬撈起撈起，先醒起未影相，，每人都有2兜汁，又酸又惹味男朋友果兜豬扒撈檬先誇張，佢走晒d菜，成兜都粉但份不變，5知係咪快d賣晒佢早d收爐尼平時我都中意食果個順德火車頭檬，又係超大兜同有少少辣，食完好暖好滿足尼開屯門碼頭既朋友絕對要一試

依間李錦基全港得兩間分店，所以唔係好多人聽過，但係我相信屯門碼頭人肯定會識，因為佢係每個人中學時代既飯堂。由中學開始一路食到宜家，最鍾意食依個香茅雞翼，可以揀凍檬或者湯河，諗起都流口水。佢既香茅雞翼新鮮炸起，仲會自動分開上，唔會比湯粉整淋哂，雞翼有醃過，好入味，好香茅，配埋份量十足既湯河絕對夠飽，食得辣既記得加錢轉辣湯，個湯好野味，你會唔覺以飲哂。想食得清淡啲生熟牛河真心必叫，牛肉新鮮嫩滑，湯頭清甜yummy yummy!

聽講依間野既咖哩雞好嫩好好味，夜晚無飯開就試下啦！多人唔想等搵決定外賣返屋企慢慢嘆。外賣都幾快手，等左大約5分鐘就有得拎喇！一返到屋企夾左兩舊雞出黎既時候..有d失望！兩舊都咁大舊，心諗一d都唔嫩囉！諗住打去鬧鬼個fd之際算喇..食埋先鬧😂好在食埋先鬧..雖然唔係話嫩，但以咁大舊既肉黎講，佢都算係好食架喇！唔係柴皮既感覺！同埋除左依兩舊「大肉」，都仲有一舊雞脾同雞翼，依兩部份係幾嫩同幾滑的！汁量夠撈哂成盒飯，雖然好肥，不過好味😂如果你下次都見到兩舊「大肉」唔駛驚，都唔錯架！

今日去左屯門探外婆,就同表妹落去啟豐到食野啦,住碼頭既人都知道,啟豐成個商場都有好多野食,話說我以前都成日黎,食過咁多間,唯一覺得無變既就係呢間李錦基,呢到既豬扒,雞絲凍檬都好出名,而我最鍾意食生牛河,平時我好少食河粉,因為覺得好油膩,但呢到既河粉唔同,可能我加左辣湯,所以覺得特別惹味,食過咁多間越南菜,如果講粉面既,一定係李錦基最好食,每次黎到都會好想食,但有時晏左少少黎,豬扒就可能會賣晒,今次食住生牛河先😆👍🏻

《李錦基越南飲食》📍屯門啟豐商場27-28號地鋪—————————————————🔹香茅豬扒飯$40 熱飲+$2 凍飲+$3賣相就一般 豬扒偏薄 但好夠味 絕對撈到飯食但個飯無汁就單調左d 只係另外比左一碗酸汁 但用黎撈飯嘅話又好似會太酸🤔—————————————————ByT: 6/10instagram: 90sfoodieshare #食在屯門

屯門工作，中午去到呢度食，一個較殘舊商場內餐廳，商場走道都放咗枱，牆外貼咗好多食物圖片相，等咗15分鐘先有枱，好普通嘅圓枱膠櫈，食物係越南🇻🇳菜！午餐幾抵食生牛肉湯河（$34）牛肉幾厚身，無乜油花，所以都幾嚡口，配料無咗九層塔，只有蔥花同洋花，比較失色，湯底清澈，係唔夠濃味！河粉亦唔係滑！正常！蘆薈冰（跟餐加$7）想叫特別啲嘅飲品，真係無唸過咁假，只係綠色水，甜甜地！無蘆薈肉，味道亦頗假！失望同事食札肉湯河（$34）香茅豬扒湯河（$39）燒牛肉檬（$41）順化牛腩豬手辣湯檬（$34）凍滴漏咖啡（$12）凍檸樂（跟餐$3）凍檸茶（跟餐$3）食物只係普通，將貨就價，比較草根！店員爽手！會盡快上晒啲食物！盡快翻枱！不過又無趕客嘅！豪爽型草根平實啲！

好細個就食，李錦基開咗咁多年都保持到水準。成日都好多人，要等位，所以通常都要早d或遲d，避開最多人嘅時候。個人最最最鍾意食香茅雞翼河，香茅味好岀，隻味好啱香港人，d河粉比魚蛋粉檔的河粉幼少少，有少少透透地，易入口～串燒都唔錯～