李少光兒子李霖恩，現與太太、三歲囡囡和剛出世僅一星期的龍仔，一家四口住在父親買給他，位於沙田千三呎寓所，與父母住在樓上樓下，互相照應。省回供樓費用，就連物業裝修亦慳番。「呢間屋上手業主係 Ada（蔡少芬），佢住 嗰陣已經裝修得好骨子，客廳、書房同睡房都打通晒，無間隔感覺好開揚，我就咁搬 啲傢俬入 嚟住已經搞掂。」摸着酒杯底的李霖恩寫意地說。