神奇連線！杜沙特7個入波全由同1人助攻

阿仙奴喺周日(12日)凌晨英超，主場3比1輕取般尼，比利時前鋒李安度杜沙特繼續發威，佢今場先開紀錄入波，係酋長球場第1,000個正式比賽入球，而更加巧妙嘅係，杜沙特自加盟阿仙奴以來，7個入球竟然全部嚟自同1個球員助攻，可以話係最佳拍檔！

阿仙奴今仗控制大局，到完半場前杜沙特接應布卡約沙卡頭槌二傳，門前飛身頂入；般尼54分鐘由祖殊布朗曉爾射門省中人彈入追平，但阿仙奴3分鐘後即由威廉沙列巴接應角球頂入，加上辛真高之後世界波建功，順利以3比1贏波。

杜沙特今季各項賽事已有6球進帳，連同上季加盟後入嘅1球，7個入波原來全部都係由布卡約沙卡助攻，杜沙特賽後表示：「我都唔知點解，不過每次沙卡帶波，我就知道要走位同埋盡量接近佢，今場我都係博佢可以頂贏個頭槌，結果就出現呢個入波。」