TVB男藝人捲裸照風波 前度裸照外洩:手機遺留喺佢屋企 | 蘋果日報

TVB男藝人捲裸照風波 前度裸照外洩:手機遺留喺佢屋企

更新時間 (HKT): 2020.11.24 14:10

昔日愛得纏綿,打得火熱,有些人會拍下裸照調情,之不過當分手後閃卡不幸流出,真係隨時爆出羅生門,想好聚好散就有啲難度!

今日有報道指,28歲TVB上位藝人李嘉晉捲入裸照風波,Model前度「C小姐」向周刊爆料指,自己嘅裸照在今年10月被人放上網,更有人造謠稱C小姐「賣淫」,C小姐受訪時更大罵放相者係人渣。C小姐指存有其裸照的手機,曾遺留前度李嘉晉家裏,矛頭直指李嘉晉最大嫌疑,當時二人因性格唔夾,覺得男方成日黐身,工作又冇上進心、行為幼稚,所以拍拖半年就散咗,去年11月戀情告終。

據報道指當時C小姐表明想拎返部手機,李嘉晉卻聲稱已經掉咗,C小姐後來見有人用該手機登入自己的IG賬戶,又指分手後,李嘉晉仍未死心,就算C小姐有新戀情,李嘉晉亦主動致電,揚言了解C小姐行蹤。今年3月就有人在社交網造謠稱C小姐「賣淫」,令C小姐收到大量電話騷擾,曾被「要脅」去指定地點,揚言如果C小姐甩底就放相上網,C小姐未有理會。

直至10月,C小姐發現自己嘅裸照及疑有人偽造「賣淫對話截圖」亦被擺上網,更附上她跟孖生妹妹的合照,謊稱「玩3P」,之後她每日收到廿幾個電話慘遭「問價」。此事令佢形象受損,冇咗好多job之餘,精神壓力大,曾報警求助。

事後,李嘉晉回覆媒體承認C小姐手機及衣物曾留在自己家中,但早已丟棄,對於前度裸照流出,李嘉晉稱係朋友通知此事,自己跟前度已冇再聯絡。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner