奇華小廚

營業中

休息中

Order 8份午餐，每份平均$60以上，嘢食質素唔掂☠️，炒麵一嚿嚿，完全分唔開，亦唔包野飲，漏單亦出現，打電話時態度惡劣，亦唔主動認錯,仲要自己本身去返餐廳取貨,零分,完全唔值得大家幫襯, 麻煩各位分享，千祈唔好去幫襯😤😤😤

本身嗌外賣嘅時候，服務員態度已經冇禮貌。網上餐單嘅價錢有冇更新。餐單有寫牛腩，墨丸其他配料配搭車仔麵，然後我叫左個兩餸米線，佢就同我講話牛腩同墨丸係分開唔可以一齊叫，廚房同燒味部嘅唔可以放埋一齊！有乜可能係咁樣🤬然後收據就寫牛腩飯加$3轉麵😡但係我明明係叫麵。返到公司仲要發現比留咗一個外賣，打電話同餐廳同事講返但係佢哋都唔肯外返外賣比我地☹️要我地自己親自去餐廳攞返個外賣。打開外賣更加發現一個$65嘅香妃雞髀飯份量超級少。午餐嘅份量同價錢唔成正比。

11月荔枝角開會食過一次，覺得奇華的燉湯好正，嗰次因為1點幾先到，等位要好一些時間，同時很多選擇已賣光。今次辦妥事情未夠12點，入到去仲有大把位。大家本來諗住只係飲杯嘢，最後都敵不過燉湯的誘騙，紛紛改變主意吃午市套餐，仲加埋錢將例湯換成燉湯。其中3人分享2個套餐，好彩無額外叫多個湯，因為燉湯係一盅盅的，份量夠曬三個人飲。天氣寒寒地飲燉湯滋補，今次揀個天麻燉魚頭湯，夠曬火候充滿天麻香味，魚頭略煎過所以有點油，但係就唔覺有魚鯹味嚕，湯水鮮甜好味，好飲啊叉燒軟腍有肉汁，好食白切雞嫩滑有雞味同行友人叫枇杷鴨都好好食，整體都好食無投訴。菜膽冬菇燉豬腱湯湯水清甜有菇香

午市精選套餐：五柳松子魚柳飯 配 老火靚湯點餐後數分鐘便上餐，以為只是微溫的碟頭飯，驚喜是新鮮熱辣的，白飯份量也很多，是有飯味的。這個五柳吃起來像生炒排骨那個味道，只是排骨換成魚柳、菠蘿換成木瓜絲，味道不過不失，用餐完抺嘴時會覺得甜粘粘的，橙紅色素和糖份也挺高，偶爾一嚐就好。

話說在荔枝角工廠區真的很難找好好吃的燒味，而且好多時都幾貴⋯又貴又唔好食的，多的是。但這次吃了個不錯的，覺得可以推薦比大家一試💗這裡的燒味都幾好（雖然唔算平 $4x 現在食個午餐都要呢d價了⋯）但最少是好食的，呢個係蜜汁燒雞髀配叉燒！見到佢令立立，好吸引吧！叉燒份量雖然不多，但都唔會好乾，味道剛剛好，燒髀真係幾正，肥膏不多，蜜味重（讚👍🏻），略略乾左少少，但唔會太咸！配埋薑蓉（正）飯的份量都多，唔怕唔夠飽，細食的可以叫少飯吧。只是等位較難，食飯時間 人比較多，要在台邊等位，有少少不方便吧。

原來WEEKEND 工廠區的茶記都有開, 想平平地就入左呢間。叫左個蒜茸雞扒飯。個汁OK, 真是有蒜茸味WOR, 唔係普通燒汁果類。但塊扒唔得呢.... 好肥, 肉不多但肥羔多....  不過快餐來計都幾大碟GE...

今日聖誕節正日，因有工作要到香港工業中心，所以下午約二時多些到附近午飯，環顧四周大部份食店都因假期休息，只看到【奇華小廚】有營業。先在門外看到一塊大型直立式餐牌，寫了【單併燒味飯 $30元 / 凍飲另加 $8】，咁就入去坐低，期間兩個名姐女侍應，都呆企毫無任何招呼舉動，我揮手叫其中一位阿姐，【單併叉燒飯 + 凍奶茶】，阿姐落單後寫低一張單，但只係潦草字冇任何價錢! 期間清水或清茶都冇杯，呢樣我真係唔太接受!約 5 分鐘後一碟單併叉燒飯、及一杯凍奶茶擺到枱，先講叉燒非常一般，主要唔太入味，而且覺得肉有點鞋。另凍奶茶冰多茶淡非常一般! 之後雜去到收銀處埋單，要 $52元當堂嚇我一跳，呢個價我寧願去【太興】食，起碼叉燒好食，及奶茶好飲先! 同埋工廠區咁貴價錢，招呼又差清水都冇杯，真係劏到我一頸血! 呢個價我去其他食店，已經食到好豐富午餐，同埋有例湯凍奶茶好飲過佢先! 永不幫襯!!!

星期六到荔枝角行時裝批發，總是會食下午茶一來休息，二來檢閱一下戰利品奇華呢間店係心水之選佢個🍯蜜糖雞脾🍗超好味，連埋拉麵🍜，方包🍞同飲品☕️，都只係$34，抵到冇朋友🤣🤣其他茶餐選擇都好多，花多眼亂而且環境好大，吾怕等位，又有位放大大袋戰利品

蜜汁雞肶飯       HK28.00今日去奇華小廚，本來想叫叉燒飯，幸好在門口看看今天的特價餐。這樣才能一試這個巨型雞肶飯！雞肶燒得很美，光看色水已經流口水。咬一口看看，又不硬，不會覺得乾爭爭的。老實說配飯，飯吃完，肉也沒吃完，呵呵，可想而知真的好大隻雞肶。這間店平日超多人的，午飯時間座無虛席，真是非常旺場！！不過對於荔枝角上班族來說，是不錯的飯堂，室內也挺大的，但真的要比人早去佔位置。

再去奇華小廚午餐。今天本來一心去吃米鴨湯飯，那知已售罄!只好在午市套餐和湯飯中選一個。最後自己選了時菜肉片湯饭配熱檸茶。44元大大碗湯飯，料又多，味佳!朋友點了三個午市套餐一起吃。配的例湯眉豆瘦肉湯很合夏天濕熱天氣喝。※蒸魚。。魚腩分量大，沒魚腥味，只是魚腩多骨，對不懂吃鱼的人会是大挑戰※蜜桃咕嚕雞。。惹味，蜜桃，甜椒炒雞球，配飯一流。要說一下那白飯和例湯的碗是同size. 很大碗!※肉碎浸時蔬。。清爽，配另外兩個濃味的餸剛剛好!可惜不做晚市，不能下班后在這晚餐才回家!

又是一家初體驗。香港的餐廳林林總總，總會有第一次!若不是朋友告訴我那裏有一間奇華餅店 開的餐廳，我真的不知道呢! 今天終於可以去試了! 一進去就發現地方蠻大的， 座位也蠻舒適， 只是人很多， 需要等位! 今天 等了差不多十多分鐘才找到位置。 因為不是排隊， 所以會有點亂 亦很難預計要等多久才可入坐。 坐下來就看餐牌有什麼好吃的。 之前朋友告知這裏的小菜和燒味也蠻好吃的， 我就朝著這個方向吃燒味套餐， 點的是一個一人套餐包括雙拼燒味飯， 油菜加例湯， 作為一個檸檬茶控就加了錢 多點一杯熱檸茶， 但很可惜 熱檸檬茶 沒有一般茶餐廳的好喝。 點的燒肉油雞飯 燒味屬中上等級，飯則有點多! 白灼的油菜附加蠔油，分量中規中矩! 想特別稱讚的是 那例湯! 是沒有加味精的菜乾紅蘿蔔湯，非常美味! 是一大吸引項目! 整體東西蠻好吃，餐牌上選擇也多! 看來是一家可以再來的店!若是在附近工作的人， 其實是可以考慮買外賣的。因為同一個燒味飯若是外賣的話，會比堂食便宜接近十多元，是一個可以考慮的方案呀!

今天去奇華買左個外買，大大隻字寫住31元雙燒味飯，去買時乜都冇得牛展和咸蛋都算了，我話好才知41元，我話個牌寫31元，個阿姐話今天打风加價，現在以4:00了激死人，呢D系吸血鬼，見人地要返工成機吸血，街邊生果檔都不加價啦！呢D大財團正一吸血鬼，D服務員又臭吋，以後都不吃奇華，月餅都不買

美味蜜汁叉脾飯係附近揾食一D 都吾易, 一放飯度度都係人 , 食過咁多間依間算係吾錯今日黎左食佢地D 招牌燒味叉燒十分軟林, 肥瘦適中, 有肥脂香味又不會太肥膩, 而且帶點焦香, 正呀燒脾充滿蜜糖味, 非常香口, 而且肉質又不會太韌, 好味

在荔枝⻆上班的朋友推介這間小廚給我，今天終於來試試。這裡環境一般，雖然有很多座，但午飯時間當然座無虛席。食客需要自行找座位。等了大概十五分鐘終於找到了。這裡的菜色以家常便飯為主，如蒸肉餅 ，水蛋，炒菜等等。我點了蒸金銀蛋配飯。蒸金銀蛋老實說，蒸蛋不夠滑，蒸得有點點過火。不過味道不錯，吃得到蛋味，豉油不算太咸，恰到好處，送飯一流。可惜皮蛋幾乎找不到，希望可改善。這裡人手明顯不夠，員工忙過不停，找人來點單需花一些時間，但可體諒的。員工態度仍十分友善，值得一讚。雖然食物不算很出眾，但工廠區午市來說，算是很不錯，還會再來。

原來奇華在荔枝角開咗間小廚，今日去開先見到，不過門口比較唔起眼，唔知嘅以為係旁邊餅店嘅廚房，磨紗玻璃望唔到入面，門口又細，加上個招牌在好頂端！真係唔係咁啱望到都唔知道！入內地方好大好深，近門口光猛啲，再深入比較暗，地板比較黏黏的，唔太乾淨，普通茶餐廳格局，有店員落單！已經係下午茶時間，客人只有半滿！因為趕時間，所以即刻落單！食物超快到！鹵蛋肉燥撈新竹米粉（$28）下午茶價錢幾抵食，份量唔細！米粉幼身爽口，咸肉燥多，好濃好香，味道唔錯，可惜米粉隔水唔夠徹底，所以水汪汪的，令到個肉醬淡晒！失色！鹵蛋好普通，比較硬身，蛋黃唔入味，好淡！菜心爽口！整體比啲水扣分！熱檸水：正常！店員幾好禮貌又爽手！行去廁所條路地板好黏，廁所板有痰！好噁心！同事食嘅炒粉唔錯！