7年打造最強Body！原來李元玲以前係肥妹仔

東網電視

所以話呢個世界冇肥嘅女人，只有懶惰嘅女人。

馬來西亞鋼琴女神、李雲迪徒弟李元玲擁有32C、23、36完美身材，經常喺社交網大派福利，粉絲追蹤人數高達161.3萬！不過，一分耕耘先有一分收穫，樣靚身材正嘅佢背後落唔少苦功，原來李元玲以前係個「肥妹仔」，真係估都估唔到！

其實對於170cm身高嘅李元玲，52kg絕對唔係肥，不過佢曾經講過自己嘅骨架喺亞洲人中係較大，所以少少肉都會顯得有肉地。李元玲花咗7年時間打造魔鬼身材，除咗努力做gym之外，飲食方面仲非常有節制，依家保持45kg體重，脂肪比例就由26%減至12%，大大摵脂14%咁多！

李元玲話健身難、飲食節制難，但其實7年間嘅自律先係最難，擁有今時今日嘅魔鬼身材唔容易，唔知係咪因為咁，佢曾經發表過「着中碼就係肥」嘅言論，引起網民怒罵，事後佢道歉原本只想post喺模特兒嘅朋友圈，無惡意批評肥胖嘅人。向來活躍於社交網嘅佢，已經有兩個星期多冇更新，唔少網友都話好掛住佢！

on.cc東網