港独视后李佳芯“解冻”后首受访，事业重创坦诚自己少不更事！

无綫花旦李佳芯（Ali）短短几年间上位神速，2018年更凭剧集《BB来了》升呢视后，原本大好「钱」程，去年却疑因立场表态及在社交网留下带有隐喻的字句，传出遭无綫雪藏，连续三剧包括《BB大晒》、《踩过界2》及《白色强人2》均被易角，工作及代言全面叫停，甚至连重头剧《杀手》也被抽起，可谓事业重创。

随着《杀》剧最近落实播出，由去年10月拍毕《爱美丽狂想曲》休息至今的Ali终于走出雪柜，翻身在望。她昨日接受专访，问有否想过事业会因今次事件一铺清袋，她答得相当谨慎：「呢个标题对我嚟讲太重，我个人本身係低调啲、Mild啲嘅人，所以咁沉重嘅问题就唔答，太敏感。」

当初因在社交网贴文而出事，日后会否更小心？Ali坦言从中有所学习：「我自己嘅社交平台其实好简单，谂到就分享生活感受，一直冇谂咁多，亦冇谂过外间会有反应，但原来係会对有啲说话係有反应！嗰阵先明白原来係咁，咁学识咗一啲嘢囉！」

对于近日传她有意从政，Ali闻言即落闸：「唔係！係你哋话畀我听先知！（有冇呢个谂法？）冇！我係一个演员。」

没有工开的日子，Ali未有浪费时间，的起心肝将自己多年心愿实践出来，推出首本散文集：「入行前好锺意睇戏同睇书，觉得透过文字同对白係畀到力量同答案自己，直到去年尾，我见到自己有三个月短假期，所以又再萌生出书呢个念头，有好多嘢喺心里面，成长有啲嘢特别难忘、影响我好深嘅小故事同小情节，好想同人分享。」

除了写作是全新经历，Ali在《杀》剧中的角色亦是新挑战，饰演贪钱又贪小便宜的单亲妈咪：「角色好粗鲁，要电爆炸头同戴粗框眼镜，剧中个个都好有型，但我就係丑角。（入行最丑？）我觉得係！」Ali在剧中不止造型丑，还要被虐打：「我畀人掹头髮、掟落地、要仆又要畀人踩，不断打破电视尺度。」