2
0
4
港鐵深水埗站 C1 出口, 步行約5分鐘
繼續閱讀
付款方式
以上資料只供參考, 請與餐廳確認詳情
每一次來到西九龍中心既 food court 食野，總會發現到一些驚喜。這一次，算是裝修後第一次來，發現多了許多的新店。亦令到整層8樓都是美食的天下。我們在慣常的地方找座位時，有一間名叫《朴先生韓國快餐》吸引咗我去一望。大叔以一口半咸淡既廣東話加英文向我推介美食，才知道，這是一間由韓國人主理的食店。令我立即決定一試。韓式手卷，是老闆大叔極力推介的。因為這正正是一個完全沒有肉的手卷，所以我很開心地買下，同太太一齊 share。韓式的手卷 (Gimbap) ，之前因為 "School Food" 稱之為 Mari 令我一直以為是這一個叫法。原來真正家庭式的，係叫做 Gimbap。這一個 Gimbap，紫菜、米飯包蘿蔔、瓜菜。輕輕的醋香味已經很可口，作為一個大家分享的輕便小食，以至方面外帶係街食的午餐，都是不錯。店子長期推介的，有煎蛋牛肉飯。有汁，有牛肉，有煎蛋，有紫菜。我雖未去過韓國，但我已經感覺到，這就是在韓國街頭，最受平民百姓歡迎的簡便午餐。牛肉就是蘿蔔絲加洋蔥去炒的牛肉，包含了多多的肉汁，鋪在飯上面，令吃到的每一口都有味道。再加上脆邊的太陽蛋，更是可口。改日再來西九行街食野，我再拜訪多一次《朴先生》。這一次決定吃辣的，所以我點了一個煎蛋辣五花肉飯。韓國式的辣，當中帶點甜，也帶點酸，夾合埋一齊就是香口惹味。同樣，脆邊的太陽蛋令成個碟頭飯既味道加乘。對比了一下，辣的飯，的確更可口。不得不說，這兩餐都吃得很開心。吃後感督是，在西九龍中心 food court 的《朴先生》很用心製造韓式簡餐給大家，值得去多多支持啊。
繼續閱讀
行過見到呢間韓國小店，見到個老闆好似或者可能都係韓國人（其實望落聽到佢講嘢真係唔覺得佢係韓國人😅😅），諗翻起上一手個老闆整嘅嘢食都好好食，特別係紫菜包飯，所以就打算試吓呢一間。一開始諗住試下佢個迷你紫菜包飯，但係點睇都淨係見到個黃蘿蔔，見佢隔離張相明明有紅蘿蔔等等其他配料，一拎起嚟睇，最多都淨係見到仲有雞蛋，之後就咩配料都睇唔到，所以就冇要到🫠本身就想嗌同場另一間出名嘅韓式炸雞，咁岩見到佢呢間都有，而且張相望落都幾吸引，諗住58蚊可能會大份啲又係「韓國人」整就試試佢啦～除咗炸雞仲買咗個$38嘅炸醬麵，我自己就麻麻地炸醬麵，但係男朋友想試下就try try佢。一過去嚟就見到兩個發泡膠盒，翻到位一打開就心知不妙，炸醬麵個樣比起炸雞望落已經算好，但係食落去真係好鹹，男朋友表示好似韓國即食嗰啲炸醬麵，而且我覺得一啲都唔好食🫠🫠另外個炸雞真係…..一打開就見到啲雞同年糕喺pat水狀嘅汁度，見到有其他食評話佢似炸完之後用微波爐叮翻熱，我真係十分認同！啲雞另外再切到好細舊，而且完全冇炸嘅感覺，咬落去個口感一啲都唔實，軟瀨瀨咁，而且個汁真係好難食，根本就唔係所謂嘅「甜辣」，每一啖食落口都唔知點解嗰陣味覺得好核突🤮🤮🤮年糕比起啲雞食落感覺正常好多，咁嘅價錢又少又唔好食，強烈建議食返出名嗰間！！！真係大家千其千其千其千其千其唔好去食！！！伏到喊🤢🤢🤢🤢🤢🤢
繼續閱讀
行完西九，諗住去8樓food court 食嘢，行個round後試吓呢一間好似真係韓國人（可能係偽）開嘅，點知真係伏到不行。嗌咗個辣五花腩肉飯，返屋企一打開個飯盒，見到份量已經唔多，有隻煎蛋覆蓋着左成盒飯，移開左隻蛋之後簡直係嚇一驚。完全見唔到五花腩肉，仔細用筷子撩咗好耐，終於撩到幾粒碎肉片，將啲肉碎掃埋連一隻匙羹嘅份量都冇（見圖）！其餘全部都係泡菜碎！大佬呢盒飯點樣可以收人$58 ？！我重來都唔寫食評，但呢條友真係太離普，希望大家睇完唔好再有人中伏。
繼續閱讀
西九food court 翻新，開左幾間新小店。諗住試下新野，點知試親都中伏。行完一轉得一間有紫菜包飯，點知好難食既調味過咸，咸味蓋過哂酸菜同蛋，浪費食材。冇下次。
繼續閱讀
突然想食韓國嘢，行咗一圈，雖然見到呢個鋪噏揼但聽到老闆講韓文，心諗可能係正宗韓國小店，價錢貴少少都ok啦。比咗錢就叫等5分鐘，整好拎出嚟，一睇，完全係出曬事。份量係真係好少，少到一個女仔都冇可能食得半飽。（$58）一食，仲出事⋯⋯點解？點解舊雞可以淋到完全唔似雞肉？首先佢應該係要炸咗再淋汁㗎嘛？但佢冇！係完全冇炸過嘅！所以係一啲都唔脆㗎！係完全少少脆都冇！跟著，叫韓式酸辣雞梗係想食雞㗎啦，就係想食到一梳梳嘅雞肉texture。而「理所當然」地佢係一啲都冇㗎！啲肉質溶溶爛爛到似雞肉丸，甚至雞肉丸都係結實過佢啲所謂「雞肉」！真係超級難食！最後，佢啲醬呀，啲年糕就梗係唔會好食得去邊啦，啲醬汁陣味唔好食，啲年糕好韌，好似完全冇煮過咁，似攞入微波爐叮兩叮熱咗就算咁。總結，份量好少，超級難食，唔值得！
繼續閱讀