朱晨麗16歲選美娘樣趕客
「2011香港小姐競選」朱晨麗成雙料冠軍，卻被揭曾報名參加「2006亞洲小姐網絡賽」，前晚她一度扮失憶，在慶功宴又突然恢復記憶。另在網上發現疑似她十六歲參加選美的「醜小鴨」模樣，飛上枝頭果然變鳳凰！
朱晨麗前晚出席慶功時連番道歉下承認曾參加「2006亞洲小姐網絡賽」及在蘇州參加過「第三屆水鄉麗人評選活動」，她說：「唔好意思，剛才太過激動諗唔到咁多嘢，參加亞姐網絡賽只係貪玩喺網上交表，佢哋冇通知我入唔入圍，呢啲都有同TVB申報嘅，但當時真係太激動，唔記得細節喇。」至於在網上發現疑似朱晨麗十六歲參加「水鄉麗人」的選美照片，只見她娘味十足，哨牙又有baby fat，與現時相比實在是醜小鴨飛上枝頭變鳳凰。
前晚慶功完及為官方刊物拍照後，朱晨麗由大會保母車送返銅鑼灣加寧大廈寓所，該樓雖然幾十年樓齡，因面積大及位處黃金地段，普通單位也逾千萬，而朱希敏和許亦妮則住太古城和觀塘。
許亦妮奇怪債主甩底
得獎港姐昨日出席領獎活動，朱晨麗前晚返家時家人都睡了故未有慶祝，但有跟男友通電話，男友榮幸可以同香港小姐冠軍拍拖：「我哋拍拖兩年，佢了解我為人，好放心，仲支持同信任我做自己想做嘅事。」對於被指是落選亞姐，她再三解釋06年網上遞表一事，指不算正式參選。許亦妮則不覺自己被負面新聞拖累才得季軍。提到「債主」甩底沒有踩場，她說：「好奇怪佢哋唔嚟，咁講真係好戲劇性。（話開記招。）覺得好笑，唔係事實，唔知佢哋會講咩，不過覺得有啲恐怖，唔知有冇下一步激動行為。」而何超蓮、寇鴻萍等則透過微博恭賀她得獎。另外，前晚港姐決賽錄24點平均收視，但節目中「催淚」環節則惹來兩宗投訴，認為太多流淚場面。
文：影視組 攝影：追蹤組