楊怡 謙謙恩愛滿場飛 星級賓客變攝石人
廣告
昨日全城最矚目當然係藝人 楊怡 與羅仲謙大婚，謙謙一早就率領星級兄弟團到達酒店，過關斬將成功接新娘！楊怡 同謙謙人緣甚佳，晚上舉行的婚宴有大量娛圈中人盛裝出席，賓客亦當然唔少得搵一對新人影相集郵啦！不過昨晚 楊怡 同謙謙實在甜蜜得過份，全晚影形不離拖到實、攬到實，就算與賓客合照一樣係沉醉於二人世界之中，使星級賓客們都頓變晒「攝石人」，真係sweet到眼都盲啦！
楊怡 與謙謙昨日舉行婚禮，正式成為合法夫妻，晚上假麗思卡爾頓酒店筵開52席。兩人下午穿上華麗禮服接受訪問，談到生BB問題，謙謙就笑說想兩年抱三，不過一切都係隨心。佢最希望有兩個小朋友，第一胎係囡囡，而第二胎係囡囡就最開心。小編在此希望兩位早日生兩個肥肥白白的小朋友啦！
賓客去婚禮的指定動作當然就係與一對新人合照，不過楊怡同謙謙全晚如同糖黐豆sweet到漏，幸福感滿溢羨煞旁人。從以上幾張合照可見，兩口子就算合照都一樣沉醉於二人世界之中，而樂瞳、龔嘉欣與楊秀惠三位靚女… 都頓變成攝石人吳若希！可以甜蜜如此，真係只有 楊怡 同謙謙先做到！
在一對甜蜜幸福的新人旁邊，就算係任何天王巨星都一樣變得黯然無光！在此再一次祝 楊怡 同謙謙幸福快樂，白頭到老！
全文完
