何君堯

  提示：呢篇文講嘅唔係何君誠。

Junius Ho Kwan-yiu 何君堯 議員
香港立法會議員
現任
就任日期 2016年10月1號
選區	選舉委員會界別
屯門區議會議員
任期 2016年1月1號－2019年12月31號
前任	何俊仁
繼任	盧俊宇
選區	樂翠
個人資料
出世	(1962-06-04) 1962年6月4號  英屬香港新界屯門良田村
國籍	中國（香港）
政黨	新界關注大聯盟
仔女	兩仔一囡
職業	律師

何君堯，JP（Junius Ho，1962年6月4號—），係香港親中派政治人。而家佢係香港立法會嘅選舉委員會界別議員、前屯門區議會樂翠選區嘅區議員。佢因為多次散播極端主義思想，公開鼓吹殺死異見人士，甚至涉嫌策劃發動元朗恐襲而被視為係恐怖分子。

身份

• 2011年至2012年擔任香港律師會會長。

• 2013年創辦新界關注大聯盟，做埋首席顧問。

• 2016年6月26號，有指佢同中聯辦關係密切，而被形容「西環契仔」。佢回應話「西環契仔係一個太高嘅名譽」。

• 2016年7月1號：太平紳士

• 佢曾經擁有安格利亞魯斯金大學名譽博士學位，但喺2019年10月28號被褫奪。

• 2019年11月22號：中國政法大學名譽博士

部分公職

• 第十四屆全國政協委員特邀香港人士
• 香港再出發大聯盟發起人

涉事

話係「社工」

港人講地，HKG報，幫港出聲同埋何君堯

2015年5月3號，何君堯用「新界關注大聯盟」發言人嘅身份出席節目《城市論壇》，討論其間佢話：「我係一個普通市民，但我亦都係一個社會工作者」。

香港社會工作者總工會，表示翻查社會工作者註冊局網頁，話註冊紀錄上面冇何君堯個名，又引用《社會工作者註冊條例》第VI部「使用名銜」，提醒何君堯自稱社工係有機會觸犯法例。

得到陳小春同埋中國黑工助選團支持

2015年區議會選舉11月22號投票日，何君堯身為屯門區議會樂翠候選人，但係佢嘅助選團成員疑似係黑工嘅中國人，結果被警方帶走調查，後嚟釋放。11月19號，佢成功吹雞叫惠州政協藝人陳小春（山雞）撐場。

撐打人七警犯

2017年2月22號，警察員佐級協會反對七警案判刑，舉行「會員大會」集會。而反佔中、藍絲何君堯現身撐場。

污衊同性戀人士

2017年4月尾，香港高等法院就同性戀公務員享有配偶福利之司法覆核案中判部分覆核勝訴。何隨即現身一個基本法活動時發表恐同嘅言論。

2017年5月，立法會審議規管骨灰龕場營運《私營骨灰安置所條例草案》時，題到海外結婚同性伴侶列入親屬同「相關人士」定義問題，何君堯話：「呢啲咁嘅畜牲，你點可以對佢有仁慈之心？」

言論隨即被反對同性婚姻親中派政客周浩鼎批評何君堯為「極端」，仲有民主派議員陳志全批評佢係「荒謬」同埋「欠缺常識」。

殺無赦言論

2017年9月17號，何君堯去添馬公園參加「革走戴耀廷吶喊大會」時，屏山鄉鄉事委員會主席曾樹和指提倡港獨者「若不認自己是中國人，就是外來人士，必須要殺！」何君堯加把口話「無赦」。之後何見記者重申：「呢啲人（搞獨立者），唔殺咗佢做咩？」。

各方反應

• 親中派新民黨主席葉劉淑儀批評佢「愚蠢」；

• 行政長官林鄭月娥表明唔會贊成任何粗暴、侮辱性、恐嚇性言論。

• 全國人大常委范徐麗泰話「殺無赦」言論屬言語暴力，何君堯等親中派政客言行同特區政府係兩回事。

翌日，22名民主派立法會議員發表聲明，強烈譴責何君堯公開表示要殺害提出港獨嘅人，認為佢超越言論自由及道德底線，嚴重違反專業操守。

資深大律師湯家驊話，何言論或觸犯《公安條例》中嘅17條b及26條。

2017年9月27號，嶺南大學學生會發起「嶺南人聲討敗類校董」行動，有40名學生由康樂樓地下遊行到黃氏行政大樓，要求校董會DQ何君堯校董資格。10月3號，嶺南大學學生發起「佔嶺行動」，由天幕廣場紮營抗議到10月6號，要求何同校方公開辯論。

訛稱執業律師

2017年9月22號，英國人Richard Scotford上網公開一封英國律師監管局回應市民投訴何君堯信件，指翻查律師名冊後，冇何君堯資料。但《香港01》引述英國律師會職員稱，何有1997年註冊，冇執業登記。佢有上TVB明珠台節目《清心直說》話知錯，指係翻譯錯誤，會改正...認為構成誤導，我願在此道歉...。

2017年10月3號，明報表示廉政公署就投訴何君堯涉嫌喺2016年立法會選舉期間就佢專業資格作失實聲明，違反《選舉（舞弊及非法行為）條例》立案調查。

何君堯

網上言論

何君堯一直都會上facebook做網絡打手。作為藍絲帶運動主要支持者，佢成日同網民發生罵戰，平時就發文批評政敵，包括有港獨主義者、黃絲帶人士。因此，佢有好多出位言論都成日見報，有好多都係出自佢個專頁。

「翻牆」話百萬人港獨

2017年中華人民共和國國慶時，身在北京嘅何君堯翻牆上網。佢話用「兩地通」電話，就可以用「vpn」功能上facebook直播。過程中，佢重話無回鄉證者：「這班批評我嘅人，一句都冇批評港獨，即是代表係支持港獨。」

涉嫌策劃元朗恐襲

喺2019年7月嘅元朗恐襲，何君堯被人話佢同疑似暴徒接觸，又公開讚揚暴徒，指佢有份參與策劃襲擊。事後，一批皇仁書院老師、學生同舊生發起聯署，強烈讉責何君堯「與暴力為伍」，有辱校譽，呼籲立法會彈劾佢，又鼓勵舊生去信香港律師會投訴何君堯。

倡香港建「民團」

2019年11月9號，何君堯接受中共黨媒《環球時報》專訪時講過，香港政府應該建立準軍事化民兵部隊。「民團」可吸納踞喀兵或前大陸武警，經香港警察考核後登記，防止反政府人士混入。民團可持槍，保護社區、企業和大廈，受「保護」組織或人士可以出錢請。

多次將理性政策倡議同民間討論指控涉及國家安全問題

何君堯唔止一次，多次將理性政策倡議同民間討論指控涉及國家安全問題，甚至違反北京未經諮詢或香港人同意而強行落實嘅《港版國安法》，引來部分人批評。

何君堯本身一直對香港LGBT權益問題持敵視態度。喺2021年7月，佢就曾經話ViuTV劇集《大叔的愛》違反國安法，結果被香港同志權益組織大愛同盟嘅總幹事梁兆輝猛烈批評同埋網民嘅嘲諷，甚至話佢自行「誤釋國安法，製造社會恐慌，破壞國家安全」，或者質疑佢自己先係同性戀但係怕比人知先至扮激進反同。另外，喺2022年2月，佢亦聲稱關於香港同性婚姻合法化嘅討論涉及國家安全問題。

喺2022年初，有啲國家基於經濟考慮同埋變種病毒變弱，就武漢肺炎疫情問題考慮推行與病毒共存嘅做法，而喺香港民間亦有討論。雖然係公共衞生議題又得到一定民意支持，但何君堯就話，就算呢啲討論都係違反《港版國安法》，結果引起部分親民主派人士批評，例如台灣香港協會理事長桑普就因此大鬧何君堯係垃圾，就連香港政府都話，呢啲純意見討論唔涉及違法。

選舉經歷

2021年，佢喺李家超無提政綱嘅情況下，有份提名李家超參與2022年香港行政長官選舉。

睇埋

• 藍絲帶
• 國際公益法律服務協會

出面網頁

• 何君堯嘅官方網站
• 〈香港特別行政區立法會 -何君堯議員, JP〉 (繁體中文). 香港特別行政區立法會.
• 〈香港特別行政區立法會 - 議員資料庫〉 (繁體中文). 香港特別行政區立法會.
• 香港網絡大典：何君堯
• 何君堯嘅facebook頁
• 何君堯嘅新浪微博