【23/12 葵芳不是垃圾站 - 齊來改變社區】

#葵芳不是垃圾站 喺今個星期六又同大家見面喇!參與嘅戰友中,不乏真正嘅葵芳街坊,睇吓佢嘅分享:

作為葵芳街坊,對呢區尚算幾熟悉,不過自從加入咗不是垃圾站,見到一個不一樣嘅葵芳。

平日街坊都匆匆忙忙,趕買餸、趕執藥咁,但開咗葵芳不是垃圾站,見到回收發泡膠、紙包飲品盒,至近期嘅塑膠分類回收,佢哋開始時會停下來好奇地觀察,之後主動發問,到近期唔少街坊已經儲起及清潔回收品,等待開站時帶來回收。

我知道街坊並唔係順便先咁做,而係大家真心唔想我地嘅地方社區產生太多垃圾。當有個平台出現,原來大家都唔會孤寒,願意做少少清潔,行多兩步嚟回收。呢d就係"社區自救,居民話事"嘅精神,唔係口號,而係正在實踐緊!

重有藉住二手物分享同一齊做環保手作,與街坊閒話家常,呢啲回憶片段都令我心頭暖暖!感謝參與過嘅每一位,無論係出心出力嘅戰友,或是前來嘅街坊,葵芳不是垃圾站係大家一齊建立出來的!

葵芳真係有小小唔同左

================

今個星期六23/12又係 #葵芳不是垃圾站 開站嘅日子,因為臨近聖誕,手作區有聖誕主題手作,會有棵由宣傳單張整出黎嘅環保聖誕樹🎄,畀街坊掛上願望。到時見!

【葵芳不是垃圾站 】
日期:12月23日 星期六 (#逢每月第2及第4個星期六)
時間:下午2時至5時
地點:葵芳圍天橋底(葵涌運動場側)
內容:1. 分類回收(塑膠、發泡膠、紙包飲品盒、紙類)
2. 二手物品分享
3. DIY聖誕裝飾及環保聖誕願望樹

清潔紙包盒妙招:goo.gl/H2o5YE
-----------------------
📣 要人呀!📣
我哋希望長遠定期開站,以推動社區減廢為目標!所以,希望各位關心社區環境嘅街坊、朋友,加入我哋一齊推動資源回收,為社區減廢出一分力!有興趣可以填寫表格 goo.gl/forms/51elvzKla6GgRkxB2 ,或直接嚟現場搵我哋啦!

未提供相片說明。