《開心速遞》金城安聽女朋友Bonnie話搞地下情 呃埋老友朱凌凌
撰文：張嘉敏
出版：更新：
Bonnie同金城安要玩地下情。
有邊個拍拖唔想光明正大，開開心心咁拖住手出街？除了藝人拍拖要玩地下情之外，其實日常生活中都總會有些人因為某些原因而唔可以公開戀情，無綫處境劇《愛‧回家之開心速遞》入面的金城安 (周嘉洛飾) 同譚育英Bonnie（林凱恩飾) 就係咁喇。Bonnie身為大學單身女子會Bonnie Club的創辦人兼會長，當然要以身作則奉行單身主義啦，所以她唔可以給人知道她正和安仔拍拖，要求安仔跟她玩地下情。而安仔雖然不想鬼祟拍拖，但都好遷就Bonnie願意配合，兼且連最好的朋友朱凌凌（吳偉豪飾）都一起瞞騙了。
Bonnie身為單身女子會會長，唔敢話畀人知自己有拖拍。
大家又有無試過同另一半玩地下情？又有無試過因此而要呃埋自己老友？安仔為了隱瞞同Bonnie拍拖呃住朱凌凌，結果就搞到出晒事喇。朱凌凌擺晒烏龍以為安仔的女朋友是Venus（鄺潔楹飾），仲以為Venus背住安仔同其他男仔鬼混，他唔想安仔被Venus一腳踏兩船就去搵Venus講數。最後為了平息事件，安仔唯有從實招來啦。其實就算是玩地下情，都唔應該瞞住自己最好的朋友囉，作為朋友不被信任真係會好傷心㗎。
金城安竟然連朱凌凌都呃埋。
【開心速遞】KC不惜被屈都唔想連累所愛 甘願被降職做初級文員
朱凌凌見到安仔同Bonnie拍拖都無講出去。
+2