今次香港朗廷酒店The Langham Hong Kong(尖沙咀北京道果間啊!唔係旺角果間康得思酒店Cordis, Hong Kong)今次推出加強版「零」房價優惠啊!但留意不可以免費取消!優惠期為2021年1月8日至14日,喺優惠期內預訂客房,就會送相等於房價嘅消費額俾你喺住宿當日使用!可能你會問,強?邊度強啊?睇過!今次就勁在送嘅消費額唔單止可以用喺餐廳,仲可以用嚟做「川」身+心療程、連續預訂客房、轎車服務、Flavour of Langham香薰產品等!你諗嘅都有啊!
個人覺得Executive Room房型(最平為HK$2,500加一)或套房Suite最抵玩(最平為HK$3,100加一),因為包埋Club Lounge,即喺包埋早餐、下午茶同cocktail小食及酒精類飲品。現時Club Lounge已經開返,下午茶同cocktail都會係返Club Lounge到享用!唔好唔記得仲有送嘅消費額啊!