東張西望｜闊太月租58萬半山獨立屋大訴苦　數7件事好難頂：嘔心過公廁

東張西望再跟進！廁所爆渠被管理處反怪責

梁小姐指自己一年來「畀5星級價錢但連1星享受都無」，指自己多次與發展商協調，但對方都指自己毫無責任。她指「佢份租約好厚，合約入邊話會有最頂級豪宅服務，有任何問題會幫我哋維修，係全包」。不過即使合約怎樣寫都沒有用，因問題天天都多，梁小姐都感到非常煩擾。「我間睡房一年漏水、滴水6次，每次都要入房整，每次整都要3日-7日，不停有人入嚟整，好煩擾」。而於《東張西望》訪問後，管理公司即時派人到梁小姐家中作修理，「幾日前終於有人嚟整我投訴嘅問題，畀咗張紙我簽，呢張紙係我呢一年維修50次都從來無畀過我，上咗《東張》先有」。不過最離奇的是梁小姐27號投訴洗手盤漏水，到29號才有人上門修理，但紙上卻寫明29號收到投訴，即日派人上門維修。

另外，管理處亦寫信畀梁太回應有關屋內的問題，指廁所瘀塞的問題業主並無責任，梁太因而憤慨地致電管理處質問，對方回應指「我哋同事了解後話返畀我哋知，當事發現廁所有紙巾瘀塞」，惟梁小姐指爆渠廁所於-1樓，當層並無人住，加上只有紙巾而沒有抹手紙，是否代表住在這裡的人「去完廁所開完大，抹Pat Pat嘅紙巾都唔扔得落去？咁兒戲？」。貼錢買難受，梁小姐指全家9月搬去酒店暫住，「我而家走啦，我唔需要佢賠錢畀我，過去畀嘅錢我都算啦，我打唔贏佢我走，佢都唔比」。而節目組事後再聯絡管理公司，到截稿前亦無回覆。

網民：原來豪宅管理處同房署一樣X

網民看到下半集後，指「如果日後發達，一定唔租豪宅。 那份租約竟然差不多一吋厚」、「估唔到豪宅管理處同房署一樣咁X」、「所以大家唔好再妄想有日有錢就好，大把煩惱」、「無錢都有無錢嘅好，佢而家就真係蝕到入肉」。

闊太月租58萬住山頂豪宅獨立屋　擁私家電梯、飽覽維港景觀

租客梁小姐近日上《東張西望》大訴苦，指自己月租58萬山頂種植道獨立屋一年，本以為一家4口可開心歎世界，住在「6200呎，樓高4層，2廳5房，自設電梯，飽覽維港景觀」的大屋，豈料是惡夢開始。梁小姐指當時決定租住此處，其中一個原因是業主答應會提供5星級享受、管家式服務。「一家4口諗住享受吓，隔離屋一樣咁大，88萬，98萬，好似好完美，好鍾意，望景好好，錢幾貴我都唔理」，但住了一陣子，開始出現7大問題！

問題1：維港景觀被遮擋

梁小姐指，自己喜歡屋內可看到維港景觀，閒時和家人坐於客廳非常舒適。殊不知屋前的野草生長速度非常快，完全遮擋開揚景觀，「我而家咩景都睇唔到，D草有米8咁高」。

問題2：按摩水池噴出水柱

屋的露台設有一個按摩水池，但梁太形容「污糟到根本唔敢掂」，更指有天與家人在廳中飲茶，按摩池突有兩道水柱噴出，「好似水槍咁標入嚟，射濕晒梳化」。更指現時平均一日租金都要幾萬元，認為「呢個價我住乜酒店都得」，對於屋內情況非常不滿。

問題3：廁所為爆渠重災區

而最令梁小姐反感的是屋內的廁所！她指廁所的臭味由下水道攻入屋，每天要命工人用最強氣味的氛劑僻味。「我已經用秘魯氛訂、鼠尾草、燒木個D嚟除味，仲要係一日三次先叫好D。我每次入廁所都覺得仲嘔心過公廁」。不過最嚴重的情況陸續有來，梁小姐指廁所爆糞渠的情況不斷，更會「連水帶糞」湧入屋。「有次我宴客請來好多貴賓，請埋廚師嚟煮嘢食，大家飲緊紅酒歎緊靚嘢，突然一陣惡臭湧出，連糞入屋，當時全部人都即刻四散」，自此以後，梁小姐指不敢再在家中宴客辦Party。

至於其餘問題則包括天花板漏水、蟑螂通屋走、電梯有燒焦味、廚房爐頭「撻極都撻唔著」。月租58萬租住獨立屋竟換來一般人以為普通民居才會發生的事，梁小姐指自己現時一定要另覓住處，並揚言要和業主打官司爭取賠償，更指自己當時租屋「幾多錢都唔理」，換來這個下場非常不滿。

網民爆笑：住呢間屋真係慘過住公屋

不少網民看到訪問後，除了「關我哋咩事」外，更多人取笑租客，認為「你係咪晒緊命，話畀我哋基層知有錢都唔係咁好」、「其實你告業主咪得，同埋人哋點確保無蛇蟲鼠蟻入屋，屋前面D草你剪吓咪得囉」、「很有趣，女事主有能力月付 50 萬都要揾東張！當然我明白大業主都肯定是有銀人，唔怕女事主。 但女事主入住前，點解唔洗少少銀揾人驗樓呢？」、「貴到離地質素竟然係咁，爆渠真係唔分你有唔有錢」、「住呢間屋真係慘過住公屋，建議你搬返去普通屋住」、「一家4口住六千呎似哂命多d ，博上鏡。，阿姐笑住訴苦」、「夠膽咪告業主，位於港島山頂種植道11號，共有7座,，九龍倉持有、會德豐發展及夏利文負責租務的洋房樓盤。用到東張根本只係想唱衰你，錢根本唔係問題，要你係香港無面同丟架」。