[ 月供股票的原理和優勢 ]
最近,很多讀者問及「什麼是月供股票」,「月供股票同就咁買股票有咩唔同?」,「月供股票有咩好」等等。所以筆者想再次集中討論月供,它的原理和優勢,以及進階操作。
[ 什麼是月供股票 ?]
月供股票其實之前已在股票投資穩陣四式中提及過,分別是第二式「指數基金+平均入市」和第四式「優質股票 + 平均入市」。其中所利用的同是平均成本法(Dollar Cost Averaging, DCA),即是在指定的間隔期間(例如每月一次),買入固定的資產的方式。
簡單而言,月供股票就是「每月」投放「指定的金額」(你自己設定的銀碼,如6000港幣)去購買「指定的資產」(你自己選取的股票)。
[ 月供股票的原理和優勢 ]
月供股票背後的原理就是「平均成本法」,意思即是通過長期的買入(例如一年,甚至三年),分散入市,從而「拉低」平均成本,降低風險。
為何能降低成本?試一個比喻試說明之,比如你係「郵票瘋狂fans」,每個月都會用$1000去買郵票。喺市場入面,郵票的價格會浮動,有時會平,有時會貴。當價格貴的時候,例如每張郵票 $2 ,你會買到較少嘅數量(如500張);當價格便宜的時候,例如每張郵票單價回落至 $1,你買到嘅數量會變多(如1000張)。時間長了,你所持有嘅「平貨」比例會較多,「貴貨」比例會較少,整體「買貨」嘅成本得以降低。
為何能減低風險?股票市場充滿不理性,好多時候投資者都會受情緒影響,甚至有時作出非理性的投資行為。而月供股票是「機械式操作」,唔理你開心抑或唔開心,只要你有錢,計畫就可以繼續進行。所以,比起單一一次大額買賣,月供股票嘅最大好處,就係「分散入市」,減低因為非理性行為而帶來的風險。
[ 月供股票的進階操作 ]
有資深讀者問,「月供股票似乎冇得輸,但有冇得再勁d?」
當然有!不過前提是,你已掌握一定的投資知識和累積了一定經驗。即是,「進階嘅玩法適合進階嘅人」,如果你啱啱開始/唔係好識,筆者還是建議你進行固定金額嘅月供計劃。
其實,啱啱介紹咗,月供股票可以通過「機械式操作」,去降低平均嘅買入成本,筆者視之為「被動調節 (Passive adjustment)。
進階嘅玩法,就係「主動調節 (Active adjustment)」
意思即是,你設定一套準則,於價格便宜嘅時候「再買多啲」;價格昂貴的時候「買少啲」。以盈富基金 2800 為例,比如它的價位水平介乎18-28。你可以自己設定,例如便宜的時候(低於20),加大「單月的月供金額」,甚至加倍買入;相反,昂貴的時候減低「單月的月供金額」,例如供款減半。具體操作你可以在銀行的網頁設定,其實唔難。
進階玩法嘅最大好處,就係「有風駛盡艃」當減價既時候「大掃貨」!進一步降低買入成本!
想了解更多月供股票的理論和實際操作,可以看筆者的舊作: