📢新增曾志偉回應📢 曾志偉今日出席活動,為冧咀大馬索模解畫:「我唔識佢,當晚同朋友聚會,有朋友帶埋幾個朋友上嚟,話有個朋友生日,願望係一齊唱生日歌同切蛋糕,咁禮貌上都有個Birthday Kiss畀佢。」 【69歲曾志偉冧咀1米8大馬26歲索模 熱情箍實吹蠟燭】 #TVB 總經理 #曾志偉 工作繁忙,但沒影響他熱情待友的決心。69歲的他交遊廣闊,連細他43年、1米8大馬索模 #黎峇菈 也是他的好友,前日(30日)黎峇菈在IG上載了一條志偉冧咀她慶祝生日的短片。 事緣前日黎峇菈開生日派對,慶祝踏入26歲,曾志偉驚喜現身,扭腰拍掌唱生日歌。唱完生日歌,他走到坐在椅子上的壽星女身旁,搭着她肩膊說:「因為佢(黎峇菈)留message畀我,話好希望同獎門人一齊吹蠟燭,ok啦!」熱情箍實黎峇菈吹蠟燭後,他繼續箍住唔放,俯身冧咀黎峇菈。黎峇菈相當受落,更留言:「今年有得同獎門人一齊吹蠟燭,祝我生日快樂,今年的願望是世界和平,沒有仇恨。」 黎峇菈身材惹火,常在IG派福利,曾跟袁偉豪一同拍攝眼藥水及首飾廣告。她與余錦基、鄭丹瑞等相熟,有指她常現身富豪飯局和遊艇派對,更傳是77歲富商 #余錦基 的契女。余錦基曾任多間上市公司主席,並擔任公益金籌委主席多年,他跟志偉亦是好友。雖然黎峇菈主要講國語,但亦懂得廣東話,同志偉及余錦基傾偈啱晒channel。 除了性感相,黎峇菈在IG的發文離不開招男友和談金錢,「朋友一直勸我一定要嫁個有錢人,其實挺搞笑的~你去勸有錢人啊!我願意呀!」、「你們在煩怎麼賺錢,我卻在煩怎麼花錢….誰可以告訴我100塊怎麼用到下個月?」、「現在的年輕人都不肯聽勸,我勸他們做我男朋友…沒一個人肯聽」、「好消息公佈:本人在一輪相親對象中没有一個看上我的,大家有機會」、「錢能不能買到快樂我不知道,但是我很快樂,能賣錢嗎」。 #娛壹