曾偉權逝世︱與胞妹梅小惠分手照重用 梅小青:始終係兩個人嘅事|香港01|即時娛樂

曾偉權逝世︱與胞妹梅小惠分手照重用 梅小青:始終係兩個人嘅事

撰文:
最後更新日期:

無綫(TVB)藝員曾偉權前日(12/11)逝世,終年59歲。入行近40年的他拍過不少經典劇集,當中更有好多作品是金牌監製梅小青主理,包括首次合作的亞視劇《邊緣十八》(1983)、《滿堂紅》(1986)、TVB《絕世好爸》(2002),以及近年的《宮心計2深宮計》(2018)、《法證先鋒IV》(2020),關係非常之好。梅小青接受《香港01》訪問時便表示暫未聯絡到曾偉權契妹Sasa:「想睇下有咩幫到手,但佢WhatsApp仲未藍剔,電話又長響。」

點擊下圖觀看曾偉權近年照片:

+6
+6
+6

同梅小惠分手後,曾偉權一直與梅小青及其丈夫劉家豪保持友好關係,三人多次合作,令事業受挫嘅曾偉權保持一定工作量。曾偉權視二人為恩人。(資料圖片)

梅小青指自己無論是在亞視還是TVB,與曾偉權都是合作無間:「佢係我好多角色嘅首選,佢凡事都感恩、有禮、演技好,好多監製佢想用佢。」她又大讚對方在《宮心計2深宮計》中的演技爐火純青:「相當出色,唔只係我,好多觀眾都係好鍾意佢做嘅駙馬角色。之後我拍《法證先鋒IV》都好想用佢,但係佢話自己身體唔好,演唔到,過多一排就話身體好好多,可以再合作,所以都有個角色安排畀佢。」

曾偉權在《宮心計2深宮計》中為陳煒犧牲,臨終前在獄中雙手掩面露出痛苦表情,成為劇集其中一個焦點。(電視畫面)

提到曾偉權曾與梅小惠拍拖13年最後分手,問作為胞姐的梅小青有否嬲過曾偉權,她說:「呢個始終係佢哋兩個人嘅事,撇開呢樣嘢,我同阿權嘅相處都係好好,工作上有咩事都有傾有講,佢係一個好人嚟,佢對流浪貓狗都咁好,更何況人。」

曾偉權驚傳肺癌命危前曾拍宣傳片 聲沙沙籲領養:唐狗有溫柔一面

+7
+7
+7


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。