泰國實測 曼谷半價食自助餐App:Grand Hyatt $200有找、Marriott半價食鵝肝燒海鮮 | 旅遊 | 新假期
泰國實測 曼谷半價食自助餐App:Grand Hyatt $200有找、Marriott半價食鵝肝燒海鮮
泰國實測 曼谷半價食自助餐App:Grand Hyatt $200有找、Marriott半價食鵝肝燒海鮮

泰國實測 曼谷半價食自助餐App:Grand Hyatt $200有找、Marriott半價食鵝肝燒海鮮

大家手機上一定有十個八個旅遊飲食App,除了餐廳景點搜尋,更有不少新App幫食客搜羅餐廳優惠。今次在曼谷實測「Eatigo」,試下當中優惠係咪堅筍,定將貨就價食到中伏。

實測01|曼谷五星酒店自助餐$200有找

Eatigo在曼谷提供自助餐優惠的加盟酒店,多達70間,當中不乏5星級酒店之選,而且不少時段都有50% OFF。我揀了四面佛旁的Grand Hyatt Erawan,貪其大堂的The Dining Room自助餐本身都幾出名,餐廳在Eatigo都算高分,5分有4.4分。

四面佛旁的Grand Hyatt Erawan,本身的自助餐也頗多人幫襯。
四面佛旁的Grand Hyatt Erawan,本身的自助餐也頗多人幫襯。

我們最初先試了訂晚餐,又試試取消改訂午餐,全部都即時confirm。此自助餐午市在關店之前的一小時在App上做半價,晚上則有一個半小時吃,但我測試半價午市時段,看看吃一小時Buffet趕唔趕。

出示訂枱App就可以入內開餐。
出示訂枱App就可以入內開餐。

不怕遲入場 食物種類仍多

下午1:30pm我們拿著電話App說已訂位,餐廳很快手就找到Booking,完全沒有一分的猶豫就帶到早已預備好的枱。我和攝影師即時行動睇睇究竟仲有咩吃,估唔到食物款式仍然很多,泰式沙律冷盤、凍海鮮、刺身、燒雞、燒牛肉及蜜糖火腿等等都有,更有數款咖喱、芝士拼盤及少不了的甜品桌,款式不算極多,勝在樣樣都有。

高台上中間枱放了凍海鮮及刺身,另一邊長枱有壽司、熱盤等。
高台上中間枱放了凍海鮮及刺身,另一邊長枱有壽司、熱盤等。
壽司刺身款式很大路,約有5-6款可選。放出來的壽司沒有想吃的,可叫師傅即做。
壽司刺身款式很大路,約有5-6款可選。放出來的壽司沒有想吃的,可叫師傅即做。

侍應貼心 午市歎慢板

入場首半小時,食物還算添補得可以,當2pm過後確是停了補充,所以建議先取凍海鮮等受歡迎的食物,反而燒牛肉、燒雞等主食吃到尾段仍有。接近2:15pm,亦有侍者提醒大家自助餐快完結,記得去攞甜品,這裡的甜品既有泰式,亦有雪糕,而且芒果也切得靚仔等大家可配糯米飯,超滿足!

燒牛肉做得不錯,更有傳統的Yorkshire Pudding可配。
燒牛肉做得不錯,更有傳統的Yorkshire Pudding可配。
下午兩點都仍有原隻燒雞,無欺場。
下午兩點都仍有原隻燒雞,無欺場。

這一餐兩人連稅後實收THB1,669/HK$397,包一杯茶或咖啡,而且自助餐完了也不會趕你走,可以慢慢慢吃完已取食物,確實抵食。

怕吃糯米飯太飽,單取芒果也是可以的。
怕吃糯米飯太飽,單取芒果也是可以的。
加一照正常價,而政府稅則以實價再計7%。
加一照正常價,而政府稅則以實價再計7%。

The Dining [email protected] Hyatt Erawan
Eatigo優惠:5折至8折
地址:494 Rajdamri road, Lumpini, Pathumwan, Bangkok
原價收費:午市成人THB1,521/HK$362(周一至五)THB1,860/HK$443(周六)THB2,574/HK$613(周日);晚市 THB1,860/HK$443(周日至四)THB2,457/HK$585(周五、六)
營業時間:午市12nn-2:30pm(周一至五)12nn-3pm(周六、日);晚市6pm-10pm

實測02|即煎鵝肝、即煮冬蔭功 半價歎Live Station自助晚餐

這個App真係食過返尋味,又畀我哋發現連新開幕的Marriot Marquis Queen’s Park Hotel內的自助餐廳Goji Kitchen + Bar 都有做特價,午晚市自助餐因為食物款式多、live station多,開業未夠一年口碑已頗好。今次我們實試晚餐,同樣是關店前一小時做半價(即9pm),啱晒大家在Emporium附近揼完骨食個豐富晚餐。

凍海鮮的選擇豐富,如不想吃凍的,我們亦見到有客人拿給大廚替他燒熱吃。
凍海鮮的選擇豐富,如不想吃凍的,我們亦見到有客人拿給大廚替他燒熱吃。
新開的自助餐,吸引到不少本地人去聚餐,當晚就見有很多大枱客人。
新開的自助餐,吸引到不少本地人去聚餐,當晚就見有很多大枱客人。

不能提早入座 食物超出色

今次我們試試早15分鐘可否入座,結果係唔得嘅!後來早5分鐘左右再試,侍應就帶我們入去了,一路行到座位已經見到生蠔在等我們。餐廳面積頗大,而且食物款式確是更多,4款生蠔外,另有龍蝦、帆立貝、蟶子、虎蝦、阿拉斯加蟹腳等不同的凍盤海鮮。

4款即開生蠔,到收檔前都不斷供應。
4款即開生蠔,到收檔前都不斷供應。
除了冷盤海鮮,即煮的海鮮也有很多選擇,連燒大頭蝦都有。
除了冷盤海鮮,即煮的海鮮也有很多選擇,連燒大頭蝦都有。

另外,當然亦有泰國人及香港人一樣鍾意的壽司刺身等。此外,不同的Live Station可即煮製各式食物,由泰式的街頭燒烤、即煮冬蔭功、泰式魚蛋河,到燒羊扒、煎鵝肝、即製凱撒沙律甚至即製意粉、芝士火鍋都有,還未數甜品有泰式刨冰、薑糖水、西式糕點及各種生果等,食物種類及質素實在夠晒超班,肯定大人細路都搵到啱食。

燒豬、羊架及斧頭牛扒都有,而且可以幫你再燒熱。
燒豬、羊架及斧頭牛扒都有,而且可以幫你再燒熱。
即煎鵝肝無限量供應。
即煎鵝肝無限量供應。
魚蛋粉可自選麵底及配料,而且做得不錯。
魚蛋粉可自選麵底及配料,而且做得不錯。

決戰一小時 狂風掃落葉

這裡吃一個鐘確是有點趕,不過同Grand Hyatt一樣有足星級酒店服務精神,不會一夠鐘就趕你走,而且臨收檔都肯幫你繼續煮食及開蠔等,我們都慢慢食完已攞的食物才走。老實說,這個自助餐原價吃都抵,用App後半價,每人才花THB1,060/$252,抵到爛。

差不多關收自助餐前十分鐘,廚師仍肯切塊新的斧頭扒給我。
差不多關收自助餐前十分鐘,廚師仍肯切塊新的斧頭扒給我。
泰式的糕點都以細細杯細細件,方便取用又可多試幾款。
泰式的糕點都以細細杯細細件,方便取用又可多試幾款。
Marriott這一餐更抵,以半價後的價錢計算加一服務費。
Marriott這一餐更抵,以半價後的價錢計算加一服務費。

Goji Kitchen & Bar @ Bangkok Marriott Marquis Queen’s Park
Eatigo優惠:5折至9折
地址:199 Sukhumvit Soi 22, Klong Ton, Klongtoey, Bangkok
原價收費:午市成人THB924/HK$220(周一至六)THB2,106/HK$501(周日);晚市 THB1,404/HK$334(周日至四)THB2,106/HK$501(周五、六)
營業時間:午市12nn-2:30pm;晚市6pm-10pm

實測03|泰絲大王開餐廳 旺商場50%OFF歎新派泰菜

食髓知味,今次我哋唔試自助餐,一於試下餐廳單點菜式,睇下食物質素又如何。Eatigo曼谷的餐廳選擇除了酒店自助餐外,最受歡迎是日本菜及韓國菜,我們作為遊客就梗係想吃泰菜,好在也有些選擇。我們揀來開在Siam Paragon,由泰絲大王Jim Thompson開的新派泰菜BOMBYX,這裡做的優惠也很抵,由早上11:30am-12:30pm這段午飯高峰期,經常都有半價優惠,晚巿反而最高只有七折,我們就揀了12nn去吃午飯餐。

餐廳不算大,只有約廿個位,中午時分人流不多,暗黑正門唔講唔知係餐廳。
餐廳不算大,只有約廿個位,中午時分人流不多,暗黑正門唔講唔知係餐廳。

飲品無優惠 不存在細份量

餐廳像一個帶點神秘感、暗黑中帶斑斕色彩的森林,掛了不少絲製品作裝飾,果然符合泰絲大王的美名。地方不算大,感覺像間Café,不過餐牌就有齊前菜、湯品、沙律、咖喱、飯類、主菜及甜品等,賣相走新派西式路線。App中的條 款寫明只要是單點菜式都可有半價,只得飲品無優惠。

西瓜Smoothies THB187/HK<br srcset=
飲品收正價,份量算大杯。” width=”683″ height=”1024″ /> 西瓜Smoothies THB187/HK$45
飲品收正價,份量算大杯。
三文魚春卷配他他醬 半價後THB125/HK<br srcset=
春卷皮內是三文魚,炸得熟度剛好,配他他醬香脆好吃。” width=”960″ height=”640″ /> 三文魚春卷配他他醬 半價後THB125/HK$30
春卷皮內是三文魚,炸得熟度剛好,配他他醬香脆好吃。

App中推薦菜式 可信性高

我們跟App內推薦菜式一欄點菜試試,食物上枱,和餐牌上的圖片差不多,而且份量也很正常,好像一份三文魚春卷配他他醬就有4大條,而且咖喱等食物亦會跟配有白飯,絕非半價後即縮細份量,食物價錢一般由HK$50-60到最貴的澳洲牛Panang咖喱都不過約HK$180左右,本來食物價錢接近九龍城的泰菜價,在曼谷來說當然不是便宜,但半價後就超抵吃了。

大蝦雲吞酸湯 半價後THB125/HK<br srcset=
足夠兩人用的湯,內有四五隻雲吞又有鮮美的大蝦。” width=”960″ height=”640″ /> 大蝦雲吞酸湯 半價後THB125/HK$30
足夠兩人用的湯,內有四五隻雲吞又有鮮美的大蝦。
蟹肉紅咖喱 半價後THB190/HK<br srcset=
點咖喱跟有白飯,而這咖喱內有不少蟹肉,與紅咖喱的甜味頗配。” width=”683″ height=”1024″ /> 蟹肉紅咖喱 半價後THB190/HK$45
點咖喱跟有白飯,而這咖喱內有不少蟹肉,與紅咖喱的甜味頗配。
泰式香草魷魚沙律 半價後THB120/HK<br srcset=
有不同的沙律菜及泰式香草等,與以泰式辣醬撈過的魷魚拌成沙律,全餐惟有此菜魷魚份量極少。” width=”683″ height=”1024″ /> 泰式香草魷魚沙律 半價後THB120/HK$29
有不同的沙律菜及泰式香草等,與以泰式辣醬撈過的魷魚拌成沙律,全餐惟有此菜魷魚份量極少。

 

特價後兩個人才THB935/HK3,是香港普通Café價位。
特價後兩個人才THB935/HK$223,是香港普通Café價位。

BOMBYX by Jim Thompson
Eatigo優惠:5折至9折
地址:Main Floor (M34 B), 991 Siam Paragon, Rama 1 Road, Pathumwan, Bangkok
營業時間:10am-10pm

總結:訂位+優惠=最強結合

Eatigo近年在香港流行,如果吃飯時間好flexible的話就最啱用,因為此App可提供餐廳訂位之外,預訂非繁忙時間高達5折優惠,非常划算!Eatigo至今已登陸亞洲8個城巿,今次實測的曼谷其實是Eatigo的發源地,所以優惠是眾多城市之中最豐富的。此App不收食客服務費用,可以提早預約又或者即興至訂1小時後的枱都可以,亦可即日取消預訂又不另收費,非常flexible又易用。

特派實測專員 潘小熊
特派實測專員 潘小熊

特派實測專員 潘小熊 賽後總結:「三間試食餐廳都無中伏,特別是單點的份量都無縮水,而且更沒有限時,實在不錯。當然,如果一家大細一齊食自助餐要留意時間,狂風掃落葉式比較適合年輕人,APP在其他時段都做七、八折,其實都唔錯。」

泰國實測 曼谷半價食自助餐App:Grand Hyatt 0有找、Marriott半價食鵝肝燒海鮮

最新吃喝玩樂資訊

Footer