青口都几鲜, 有啲肉唔细只, 唔错
沙律菜有四款, 可以随自己喜好去选择,仲有红腰豆、粟米配四款沙律酱食
跟着到即开美国生蚝, 生蚝都好新鲜, 海水味唔重, 都鲜甜, 系有小小蚝壳碎
寿司卷物有三款, 同三款日式小食, 刺身有三文鱼、立鱼、鲭鱼同鱿鱼,个海蜇小食咸左啲, 两份卷物都一般, 饭比较乾,三文鱼唔错, 新鲜厚切冇根, 但件鱼生唔冻,好似放系室温咁,油脂都多, 食得多会腻, 食几片就够.
南瓜沙律,野菌沙律,长通粉沙律,莲藕沙律,红菜头沙律,口水鸡
三款唔同嘅芝士,另外有温泉蛋,豆腐小食,鸭胸OK!
咸菜猪肚汤, 港式罗宋汤, 猪脚姜, 有冷乌冬同冷面
印度薄饼同薄脆,印度天多利鸡扒一般, 鸡好鞋,印度咖哩杂菜,港式咖哩鸡唔太辣,鸡嫩滑
厨师即场切嘅系烤美国牛肉,之後再出左烧金门火腿,第三转有烧猪肋骨同再出烤牛肉
卤味有几款, 红肠、鸡蛋、付皮、五花腩都可以,卤水鹅好入味但鞋左啲, 大肠好食好邪恶
炒椰菜花, 红酒烩牛肋条,鹦鹉鱼柳伴乾葱忌廉汁,车厘子烤鸭胸
焗薯仔,蒜蓉炒菜,中式炒面,豆豉蒸鱼
瑶柱竹笙扒节瓜,排骨,炒饭,炒意粉
蒸糯米鸡, 食一只都饱晒啦,鸡肉同牛肉烧卖,蟹肉茶碗蒸,韩式炸鸡同泰式猪颈肉
粉面区有师傅即场煮面, 生果有菠萝、西瓜同蜜瓜
甜品有迷你葡挞,面包布甸,老婆饼, 有部窝夫机, 师傅即场做,仲有个朱古力池可以用生果或面包点
中式甜品有豆腐花, 自己加红糖及糖水,仲有仙草(即系凉粉)可以配6种配料食,杨枝甘露,甜味啱啱好, 芒果肉细细粒都够甜, 西柚肉就小咗啲
到冻柜嘅甜品, 有芒果布甸、奶冻、咖啡布甸、小蛋糕,水信玄饼、香橙炖蛋、杏仁布甸同抺茶布甸
另外甜品实在太多… 有好多款式小蛋糕, 大家可以睇睇.
旁边有龙须糖、糯米糍、各式软糖及朱古力。
另一边有各款蛋糕、港式拿破仑、圣多诺克泡芙等等。
莲蓉西米焗布甸、港式酥皮蛋挞、冻鸳鸯布甸、焗牛油面包布甸、意式樱桃泡芙、朱古力火锅、鸡蛋仔等。
另更加推健康甜品系列，意大利纯素芝士蛋糕、纯素樱花水信玄饼、无添加糖有机豆乳忌廉蛋糕和草莓杏仁布甸、无麸质抹茶燕麦糠布甸及香橙炖蛋等。
Haagen Dazs雪糕、豆腐花、凉粉、无糖朱古力软雪糕等美食，吃到非常饱，超级满足。
饮品区提供无限畅饮，推介冻柑桔绿茶及柠檬薄荷水，清爽又解暑！亦有自助咖啡机～
是夜自助晚餐以缤FUN夏日美食巡礼自助晚餐为主题，必食各款意式海鲜，特别推介即开生蚝、火炙龙虾、濑尿虾及鳕场蟹脚！
沙律区有多款新鲜沙律菜，可随喜好配上香甜车厘茄、健康乾果等，之後再淋上自选沙律酱汁～
冷盘有意大利沙乐美肠、烟三文鱼、烟鸭胸等，当然唔少得我最爱既芝士拼盘，有齐四款选择！发达芝士藜麦西瓜沙律及日式温泉蛋同样吸引！我更一口气食了2只滑溜温泉蛋～
即开生蚝Keep住都有人龙，海水味及鲜味都好出色，大大只，够哂肥美creamy，可以任取真系岩哂一众生蚝迷！
日式美食有刺身、寿司、串烧、天妇罗、日式小食、冷乌冬、荞麦面等，最爱鲜美爽脆马刀贝及鱼油丰盈三文鱼；香葱吞拿鱼军舰浓郁甘香；柚子胡椒松叶蟹肉脆饼，啖啖鲜甜蟹肉拌以清香柚子胡椒，再配脆饼同食，口感层次丰富；章鱼烧外酥内嫩，味道浓厚；樱花虾蒸蛋滑嫩香甜。
热食另推介烟肉芝士焗蚝，生蚝焗至半生熟，流住丰富肉汁，芝士味香浓～火炙黑松露忌廉汁波士顿龙虾成只手掌咁大，虾肉爽口弹牙有嚼劲～野菌牛油宽条面煮得刚好，阔条面烟烟配以浓厚香滑酱汁～红酒杂菜烩牛尾肉质软淋，炆煮得好入味～
每四位客人获赠乙客迷你佛跳墙都相当出色，有齐海参、鲍鱼、花胶、瑶柱、花菇、金华火腿等材料，汤头啖啖鲜香四溢、味美汤浓～
肉肉爱好者必食烧羊架及烧纽西兰牛扒，羊架口感鲜嫩无羊羶味，纽西兰牛扒肉质紧致富嚼劲，瘦肉与脂肪比例刚好～
潮洲卤水美食都有好多选择，包括卤水鸭、肥肠、鹅肠、梅花肉、鸡蛋、豆乾等等，推介卤水鹅肠Q弹有嚼劲！
咖哩爱好者必食印式咖喱鸡、咖喱炒龙虾钳，配埋薄饼同薄脆就更滋味！
汤品有齐中、西汤拣选，椰子雪耳煲鸡清甜滋润～罗宋汤色泽诱人，酸甜又开胃。旁边仲有日式叉烧拉面、关东煮、艇仔粥等～
最後到我最爱既甜品区，多款水果包括火龙果、西瓜、蜜瓜等，可以配朱古力火锅同食，大人小朋友都咁锺意～仲有面包布甸、莲蓉西米焗布甸等，估唔到有即制鸡蛋仔同老婆饼，鸡蛋仔松软且蛋香味浓，风味十足～另外仲有焙茶栗子挞、酥皮蛋挞、椰挞、港式拿破仑、抹茶奶冻卷、蓝莓芝士蛋糕、黑森林蛋糕、龙须糖、圣多诺克泡芙、杨枝甘露、Häagen-Dazs雪糕、无糖朱古力软雪等等～
呢个自助餐除咗有任食之外仲有任饮！有冻又热大人细路都有啱嘅饮品，好似有冻柠檬薄荷水、冻柠檬茶、冻柑桔绿茶、自助的咖啡机同埋热饮机咁。
冰冻海鲜今次有好多款拣好似青口、大虾、蚬、濑尿虾、潮式冻蟹、鳕场蟹脚同埋我最like嘅东风螺。
有老婆大人喺度我梗系可以食残废餐啦哈哈！由佢剥俾我食嘅赖尿虾特别鲜甜，呢啲本地嘅赖尿虾我觉得好食过外国货好多罗，呢个东风螺唔系白烚咁简单㗎！师傅将佢浸过味所以食落去除咗鲜甜仲有朕香味添。
海鲜仲有男人恩物即开美国生蚝任食嘻嘻！生蚝够晒新鲜肥美食落仲好鬼滑溜呢，我呢晚系咁咦食咗半打咋，除咗生蚝仲有焗蚝今晚有三样唔同嘅味道拣，我就最锺意食完呵气如兰嘅香蒜姜葱烧生蚝，够晒惹味啱我呢啲锺意重口味嘅人。
想食得健康嘅有大量嘅沙律菜俾你拣，仲有啲乾果、车厘茄、青瓜同埋法边豆呀咁，锺意点样配搭嘅沙律自己砌啦。
我梗系要攞返碟老婆大人最锺意食嘅菠萝配风乾火腿俾佢叹先啦。
如果锺意印度嘢食嘅都有好几样拣，好似咖喱炒龙虾钳、杂菜黄咖喱、印式咖喱鸡、薄饼同埋薄脆。
西式嘢有葡式白酒柠檬煮蓝青口、野菌牛油宽条面、车厘子烤鸭胸、香煎盲曹鱼柳伴柠檬牛油汁同红酒杂菜烩牛尾。
烧得劲香口嘅龙虾肉质好鬼爽弹，加埋香喷喷嘅黑松露忌廉汁真系要食多几转先得喇。
至於牛肉今次呢个烧纽西兰大骨扒锺意叹牛嘅一定要食，另外仲有烧羊架、酥皮菠菜焗挪威三文鱼同埋香肠香肠，就算好似我老婆大人咁唔食牛肉都好多肉食可以拣。
牛肉嘅肉质够晒软嫩我老婆大人仲鬼咁细心攞咗条骨俾我叹，识食梗系食条骨啦不过最紧要娶到个好老婆先系大前提哈哈。
中式嘢食有好多嘢拣好似腐乳通菜、蒜蓉蒸比目鱼、砂锅云吞鸡及豉油王乾煎虾碌，仲有喺自助餐好少见到嘅潮式卤水！可以一次过可以食晒卤水鸭、卤水鸡蛋、卤水鹅肠、卤水肥肠、卤水豆乾、卤水梅花肉、卤水鸭珍都咪话唔爽，卤水鸭肉整得好入味肉地又香又软，仲有爽口嘅鸭肾都系正嘢嚟千祈唔好错过呀。
呢个自助餐最正最吸引就系有迷你佛跳墙送！四个收费嘅客人就可以得到一盅劲足料嘅嘅迷你佛跳墙，入面有齐鲍鱼、海参、花胶、花菇、瑶柱仲有金华火腿，食完前菜冷盘饮返碗足料靓热汤真系身心舒畅。
日本嘢永远都系香港人最锺意食嘅我都唔例外！呢度嘅刺身有八爪鱼、马刀贝、鱿鱼、三文鱼及𩶘鱼拣全部都几新鲜，锺意食粉面嘅仲有日式冷乌冬同埋荞麦面，仲有柚子就有胡椒松叶蟹肉脆饼、迷你杂锦鱼生饭同埋鮟鱇鱼肝酱泡芙，锺意食寿司有高质素嘅香葱吞拿鱼军舰、火炙纽西兰深水小龙虾寿司同埋火炙海老波波寿司。
另外仲有好多日式嘅炸物同埋料理净系天妇罗都有多种可以拣，仲有串烧同埋蒲烧鳗鱼锺意食嘅老婆大人睇到心心眼喔。
咁多款入面我觉得必食嘅就系蒲烧鳗鱼，同埋章鱼小丸子都好值得试㗎。
湿湿地嘅有关东煮、日式叉烧拉面、椰子雪耳煲鸡、罗宋汤同埋怀旧艇仔粥，绝对可以满足锺意食热辣辣嘢嘅客人。
食完咸嘢梗系要食甜品啦！今次呢个自助餐有两个时段喺18:45、20:45会推出超巨梳乎厘，听到师傅嘅铃声就可以出去攞一份嚟食㗎喇。
呢日嘅生果有蜜瓜、火龙果、西瓜同埋菠萝，跟住仲有鬼咁抵死热情果牛奶朱古力香蕉慕丝味嘅烧鹅髀饭鬼马蛋糕、迷你的朱古力火锅、莲蓉西米焗布甸、牛油面包布甸同埋即制鸡蛋仔同埋老婆饼。
雪糕都好多选择有老婆大人见到就开心嘅无糖朱古力软雪糕，仲有六款味道嘅Häagen-Dazs雪糕够晒冰爽啦。
跟住仲有劲多唔同款嘅甜品好似豆腐花、凉粉、酥皮蛋挞、焙茶栗子挞、冻鸳鸯布甸、椰挞、港式拿破仑、圣多诺克泡芙、抹茶奶冻卷、蓝莓芝士蛋糕、沙赫蛋糕、龙须糖、黑森林蛋糕仲有即刻现场整嘅鸡蛋仔。
另外隔离嘅甜品冻柜入面有草莓杏仁布甸、樱花水信玄饼、红豆杏仁豆腐、芒果布甸同埋北海道3.6牛奶布甸。
锺意食甜品嘅朋友绝对唔会失望！因为一定搵到自己锺意食嘅甜品。
呢日咁啱有朋友生日梗系订埋个蛋糕同佢庆祝啦！直接喺酒店入面嘅饼店Royal Delights (R+)，拣咗呢个全新星座蛋糕巨蟹座蛋糕同佢庆祝，呢晚大家高高兴兴咁食足四个钟认真happy。
花月庭
