若果大家近排想食啲高質日式料理，想不到吃什麼好，近排我去左一間好有名氣亦都相信大家會好鍾意嘅餐廳，位置就近地鐵站，仲可以遠眺海景添。最緊要嘢食水準都相當高，佢就係位於中環加州大廈嘅Kyoto Joe。 . 我哋今次第一次去到呢間餐廳就梗係試吓佢signature嘅TASTING MENU A4仙台和牛及龍蝦嚐味晚宴 喇。價錢方面...呢就係HK$ 888 person ，成個用餐體驗最特別嘅係晚餐途中有位男職員會隨機向唔同嘅人事表演魔術，呢件事令我好感受到餐廳好希望為客人營造一種輕鬆愉快嘅用餐體驗，呢種咁為客人著想嘅想法已經令我為呢間餐廳加咗好多分數！我哋而家逐個item介紹吓俾大家聽吓。 . 🥗蟹肉菠菜沙律 職員同我地講呢道前菜係用左北海道的蟹肉，可愛的口感配上菠菜，點上和風汁可以令到我地胃口大開！ . 🥢磯煮鮑魚 磯煮鮑魚配上醃蘿蔔、三文魚子青瓜，醃蘿蔔爽脆得來帶點微辣，十分酸爽，而三文魚子青瓜的三文魚子是有醃製過的，近乎沒有半點腥味。鮑魚肉質彈牙而出色，微甜的醬汁令鮑魚昇華。 . 🍣刺身壽司盛合 呢個刺身壽司盛合包括有深海池魚、金目鯛、赤海蝦、火炙和牛刺身、火炙吞拿魚配海膽、魚子醬、用靑瓜包著的蟹肉拖羅蓉魚子壽司。當中用料新鮮，火炙和牛刺身尤為令人印象深刻！入口一咬即溶卻不覺肥膩，讓人人不禁大唉『愛意思』！另一件令人印象深刻嘅係蟹肉拖羅蓉魚子壽司，廚師用心思咁將青瓜包住比較重味嘅材料成件事平衡得好好！😍 . 🍅温野菜燒 呢道包括左京都獅子唐辛子、宮崎甜蕃薯和日本水茄的温野菜燒，日本水茄香甜可口，而整道溫野菜燒當中亦都有用岩鹽調一調味令美味度UP⬆️ . 🦞黑松露汁焗龍蝦 外焦裏嫩、清脆滑爽！😙最令人覺得美味嘅是它的黑松露醬汁芳香四溢，令我大快朵頤。 . 🐮A4仙台和牛陶板燒 仙台和牛口感鮮甜、入口即化，而且連埋陶板可以自己燒，可以自己試下唔同熟度嘅a4仙台和牛，我今次由1、3、4、5、7成熟都試晒！每一個熟度都好好味！ . 🍜冷稻庭烏冬 最後一道烏冬有驚喜！廚師故意將烏冬煮既時間比較短比較短，然後即刻用冰停住面嘅熟度，令到呢味稻庭烏冬十分有煙韌，酸酸甜甜嘅醬汁解膩一流！作為一餐嘅終結十分唔錯。 . 🍰 Japanese cheese cake 十分豐滿的口感，但係因為小妹唔太嗜甜，不作評價。更多

勞累嘅生活當然要不時寵下自己，呢次就同男友去咗位於加洲大廈嘅「Kyoto Joe」好好享受一餐~ 「Kyoto Joe」嘅裝修好靚，配有多個日本燈籠！景色方面都好好，可惜坐唔到window seat~ 佢呢度晚市除咗可以單點外，仲有tasting menu可以選擇，可以一次試到多款招牌菜！ 🧡磯煮鮑魚 磯煮鮑魚肉質鮮嫩...彈牙，蘿蔔同樣軟腍入味！伴碟花形醃蘿蔔就微酸開胃，絕對係前菜首選！ 🧡香辣金槍魚腩他他 金槍魚腩他他混合咗天婦羅碎，口感香脆軟腍夾雜，非常特別！入口味道帶微辣，後勁非常強勁，同爽脆生菜夾住同吃確實一絕！ 🧡菠菜沙律 蓮藕片炸得好香脆，波菜捆成一扎配上好重花生味嘅醬汁一齊，唔錯！ 🧡A4宮崎和牛舞茸卷 A4宮崎和牛入口溶化，舞茸菇都好嫩滑！和牛舞茸卷上配有紫菜醬，整體入口舒服順滑好味道！ 🧡刺身，壽司盛合 擺盤超靚，有4小碟，當中有多款新鮮刺身包括有依左目、吞拿魚腩、赤身、蝦同鯛魚。壽司就有火炙吞拿魚腩同埋三文魚腩壽司仲有吞拿魚蓉小卷，款款質量都好好！ 🧡鮮蝦餃子 鮮蝦餃子外皮香脆，原隻蝦連蝦尾都食得，配上酸餃子汁一流！ 🧡雜菜炒名古屋烏冬 名古屋烏冬同一般烏冬好唔同，佢係比較扁身，形狀似河粉，口感Q彈嫩滑！烏冬配青椒同香菇，好有鑊氣，香氣十足，非常入味！ 🧡焦糖布甸 焦糖布甸分別有芝麻同咖啡兩款，個人非常喜歡夠香濃嘅咖啡味，芝麻嗰款嘅味都好出，正！更多

位於中環蘭桂坊嘅Kyoto joe 地理位置方便，而且處於高樓層，仲有一個小露台，景觀開揚～裝修設計華麗而且充滿日式風情，店員親切有禮，每一道菜式都會認真介紹，令人恍如置身日本呀！ Weekend brunch 於週末12點至3點提供，慢慢傾吓計食足三個鐘，也太爽了吧～收費$588/位，各種日式菜式包括卷物、沙律、前菜、刺身、...串燒、炸物都係無限量供應㗎！除此之外仲可以自選一款主菜，我就選擇左A4宮崎和牛西冷陶板燒，同埋蒜蓉黑松露焗龍蝦（+$100）。真係款式多樣又用料矜貴～ 蒜蓉黑松露焗龍蝦🦞都幾大隻，肉質爽口彈牙夠晒新鮮，配搭蒜蓉同埋黑松露醬汁，非常惹味。 A4宮崎和牛西冷陶板燒🐂油脂分布平均，可以按照自己喜好控制煮熟嘅程度～過癮又美味。 卷物推薦❤️墨西哥卷-入面有Cream cheese、辣椒同埋牛油果，雖然係素食但係口味好豐富！ 沙律/前菜推薦❤️磯煮鮑魚-鮑魚好入味而且夠軟腍唔會韌。 刺身❤️甜蝦、油甘魚、三文魚肥美又新鮮！ 爐端燒❤️免治雞肉棒口感一流，上面充滿燒汁夠晒惹味。 炸物❤️ 沙尖魚天婦羅，唔需要點任何醬汁，本身已經好夠味，魚唔會有骨咬落啖啖肉，鮮味十足。 最後仲有甜品，包括有水果、抹茶味蕨餅同埋日式小卷蛋，真係好滿足嘅一餐啊！更多

究竟日本料理係咪真係咁吸引？我成日問我身邊d朋友， 如果呢個世界上得返一種菜式可以食，你會揀邊樣？ 每一個人都係答我日本野！日本野囉！一定係 日本野！試問我又點能夠抗拒呢？👇 - 📌前 菜 - ▪️ 香 辣 金 槍 魚 他 他 - $240 ▪️ 北 海 道 蟹 肉 沙 律 - $190 ▫️ 第一個必食前菜「香辣金槍魚他...他」，大量既 金槍魚腩包住脆片，每一啖咬落都夾雜住爽脆同埋 軟腍之間既口感，加上淡淡既辛辣味，成個味蕾 即刻開通左，印象幾深刻；而「北海道蟹肉沙律」 賣相夠哂精緻，面頭既蟹肉連埋菠菜一齊食， 點埋底部既和風醬汁，鮮甜又惹味。 - 📌刺 身 · 壽 司 - ▪️ 彩 虹 卷 - $205 ▫️ 師傅好細心知道大部份人都唔鍾意食咁多飯， 所以個size專登整到幼細少少，又可以一啖過過足 心癮，而「彩虹卷」分別用上三文魚、吞拿魚、 油甘角放係面頭，再卷住蟹柳、蟹籽、青瓜， 口感清新爽甜，唔錯。 - ▪️ 特 上 刺 身 拼 盤 - $490 ▫️ 呢個「特上刺身拼盤」包括五款由師傅挑選既 時令刺身，「左口魚薄切」好爽口軟綿，點少少 酸汁夠哂味；「牡丹蝦」鮮甜彈牙，慢咀咬落仲有 少少黏口感，非常新鮮；「油甘魚」油潤甘香， 肉質結實，好食；「北海道帶子」晶瑩剔透，食落鮮甜 嫩滑；而「三文魚」造型特別，𠝹左個花形咁，幾靚； 最後我最愛既「大拖羅」相當肥美，魚脂入口即化， 油香十足，正！ - 📌素 菜 - ▪️ 爐 端 燒 拼 盤 - $200 ▫️ 去到熱食環節，我比較驚喜既係一般爐端燒都係 食肉多，估唔到素食都幾有質素，一次過食勻「銀杏」、 「豆腐」、「宮崎甜蕃薯」、「京都獅子唐」、 「素雞」，我最鍾意個素雞，個口感食落真係 同真既雞肉好相似，幾有特色。 - 📌料 理 - ▪️ 自 家 製 鰻 魚 炒 飯 - $250 ▫️ 呢個「自家製鰻魚炒飯」絕對唔惹味，事關 同出面既鰻魚飯好唔同，佢既飯底唔係純白飯 咁簡單，師傅先將飯底加入鰻魚汁炒過，然後 再放係高溫既石鍋飯，咁樣上枱係更加濃香惹味， 而鰻魚食落非常肥美嫩滑，加埋炒飯底真係 瞬間比我清哂，一絕！ - 📌清 酒 - ▪️ 獺 祭 45% 純 米 大 吟 釀 - $240/300ml ▫️ 鍾意飲酒既我一定走唔甩嗌返酎「獺祭45%純米 大吟釀」，入口唔算好濃烈，反而有少少辛辣， 我幾鍾意。 - 📎 Kyoto Joe 📍中環蘭桂坊德己立街30-36號加州大廈23樓更多

今日好開心試左間好好嘅餐廳 🥰 有裝修，有夜景🌃 食物有創意又美味😋 餐廳名為KYOTO JOE，相信好多人都有聽過 ，餐廳喺中環蘭桂坊開業多年，2020搬左去加州大廈， 一直都不乏捧場客， 尤其是星期六日，一定爆滿👍 難得weekday，同朋友上咗嚟食晚飯， 一入到餐廳就覺得好有氣派😎 樓底高而且有好多window... seat，夜景仲好靚， 心心眼😍 我哋揀咗餐廳嘅tasting menu😋 首先梗係叫啲嘢飲先啦， 我哋揀咗KURAMA， 係由清酒，威士忌配以柚子等調配，味道清新好味👍👍 餐廳都有提供大吟釀、Highball、威士忌等等，鍾意飲酒嘅朋友一定喜歡🤩 🌟香辣金槍魚腩他他 肥美嘅吞拿魚腩加入春卷碎及特調香辣醬汁， 配合一塊菜葉一齊食， 口感豐富😋 🌟京都沙律 沙律用左超過十種唔同嘅菜，配以厚切嘅三文魚、吞拿魚同帶子， 魚生非常新鮮， 好吸引嘅配搭👍 🌟刺身•壽司盛合 賣相一絕， 由四小碟組成， 刺身包括有真鯛， 依助目， 吞拿魚腩， 赤身， 牡丹蝦及鯛魚😍😍吞拿魚腩當然最好味啦，但係我都幾欣賞佢個真鯛， 配埋醬油啫喱一齊食，唔錯🫶🏻 壽司方面有兩件， 分別係火炙吞拿魚腩🍣同埋三文魚腩壽司， 我哋兩個都一致認為 ，兩件都咁正🤩 🌟鱸魚卷 卷物外面輕輕炸過 ，口感香脆配埋鮮嫩嘅鱸魚，好食到停唔到口😚 🌟椰菜花天婦羅 呢個真係第一次食， 好有驚喜🤩 香脆嘅外層配芝麻已經好香口， 裏面嘅椰菜花食得出甜味，加埋醬汁嘅酸甜，好好味，送酒一流👍 🌟宮崎黑豚肉爐端燒 估唔到呢度串燒都做得好好，黑豚肉表面做到香脆， 豚肉都好juicy， 調味適中，正👍 🌟雞腿肉爐端燒 一樣做得出色，雞皮部分全部都係香脆， 雞腿肉保持嫩滑， 唔錯👍 🌟石鍋鰻魚飯 一上枱已經香氣撲鼻， 鰻魚份量都唔少， 好欣賞佢嘅飯粒， 煮得剛剛好， 咁嘅配搭，非常滋味😋 屹立多年嘅餐廳絕對有佢嘅個人之處， 每一樣細節都做得好好🫶🏻🫶🏻 餐廳職員服務殷切， 加上美麗嘅夜景， 可以完全放鬆地享受呢個用餐體驗， 係非常滿意嘅一個晚上，真心推介🫶🏻🫶🏻更多

📍中環有水準居酒屋‼️• 比你置身日本嘅感覺😆 -- Kyoto Joe🍣🇯🇵 • Follow @pigfoodiexhk for more food!🐷💛 #pigfoodiexhk_中環 #pigfoodiexhk_日本菜 ======================== 前幾日同@sa_foodieadve...nture一齊去咗Kyoto Joe食日本嘢😆餐廳裝修好靚，有好多日本燈籠裝飾😝menu有各款前菜、壽司刺身、炸物、燒物等等，選擇好多👍🏻 --------------------------------- ⭐️菠菜沙律 $105 (4.3/5) 菠菜捆成一扎，夠清甜，加埋底下甜甜嘅哋胡麻醬好香！😋 • ⭐️香辣金槍魚腩他他 $120 (4.4/5) 魚腩蓉好惹味😋加埋生菜一齊食夠可以balance返味道唔會太辣～ • ⭐️壽司/刺身盛 (4/5) 三文魚牛油果卷、帶子壽司、深海池魚、金鱔、左口魚、拖羅、吞拿魚 刺身味道鮮甜，當中拖羅肥美，肉質腍身無筋！👍🏻 · ⭐️日式餃子 $135 (4.1/5) 餃子外皮香脆，入面係有原隻嘅蝦仁同豬肉，好足料！點埋酸酸哋嘅餃子汁更加開胃😋 · ⭐️燒牛舌 $50 (per skewer) (4.2/5) 牛舌加咗黑椒粒，好惹味！口感頗有嚼勁👍🏻 · ⭐️雞腿肉 $65 (per skewer) (4.6/5) 呢個必食😻‼️雞腿肉係雞皮一齊燒，充滿油香‼️雞腿肉嫩juicy💖 • ⭐️牛肋骨燒 $290 (4.5/5) 牛肉放喺熱石上面，店員再會喺你面前倒照燒汁，香氣撲鼻而嚟😻牛肉軟腍無筋，肉味幾濃👍🏻底下仲有薯蓉，食完都幾飽肚😆 • ⭐️三式焦糖布甸 $80 (4.3/5) 有抹茶、黑芝麻同咖啡三隻味😋質感軟滑，個人最中意咖啡味，非常香濃😆 • ⭐️千層蛋糕 （3.8/5） 忌廉香滑，餅皮再薄一點會更出色～ · ⭐️Berrie Beri $58 （4.4/5） 用咗士多啤梨、藍莓、蘋果汁同益力多製作🤩飲落酸酸甜甜，莓味濃郁～ · ⭐️Yuzu Sunrise $58 （3.8/5） 呢杯係柚子加橙汁，比上一杯酸啲，橙味較突出～ --------------------------------- 整體嚟講食材新鮮，味道有一定水準😆餐廳裝修有氣氛，而且仲有outdoor座位，夠晒好chill👍🏻同朋友嚟聚下都係個唔錯嘅選擇🤩 --------------------------------- 賣相：4/5 味道：4.2/5 性價比：3/5 推介度：3/5 --------------------------------- 店舖資料 名稱：Kyoto Joe 地址：中環蘭桂坊德己立街30-36號加州大廈23樓 前往方法：中環站D1出口更多

佐賀和牛塔撻 用上上等和牛，微微火炙後，肉質更為軟柔，撈上生蛋汁同秘製醬汁烹調嘅日本雜菇，入口非常和諧，牛脂中和得剛好！ 香辣金槍魚腩他他 非常出色嘅一道前菜，金槍魚腩加入香口嘅脆片，及後帶出的辛辣感令人驚嘆。 特上刺身拼盤 用上四個小盤裝上，已包含拖羅、左口魚、牡丹蝦、帶子、吞拿魚、三文魚腩，由淡味品嚐到肥美。左下邊魚透白...透徹，魚脂最輕身；拖羅入口即溶不起筋；帶子火炙後夾上檸檬片更見清新；牡丹蝦帶點黏口感；三文魚腩厚身而且極度肥美。 秋葵卷 非常特別又帶特色，內有秋葵天婦羅，包著汁燒並且火炙後的腐皮，入口帶點煙靭， 秋葵原有的滑潺潺口感瞬間被蓋過！ 紫蘇炸蝦 可以用驚為天人去形容，炸蝦不油不膩，蝦味好重，自帶的鮮味令人食得滋味。 串燒 雞肉外皮香脆，內裡肉質嫩滑又夠Juicy，而蕃茄煙肉嘅配搭真係一流，蕃茄仔嘅濕潤中和左煙肉嘅鹹鹹香香。 薄牛肉配青芥辣醬 又係另一款熱推，青芥辣醬不嗆喉，牛肉半生熟嘅熟成度的確軟嫩，一片一片搭起形成個小山丘，完全冇倒塌，加上底部嘅洋蔥絲同雜菌襯托，絕對係令人迷上嘅味道。 鰻魚飯 熱鍋呈上，黎都已經香噴噴，稍微等30秒，就能夠整到飯焦。自家製嘅醬汁青青甜甜，配上鰻魚嘅肥美，底部嘅黃瓜粒、蛋白、洋蔥粒，更有豐富嘅口感。配上一小碗麵豉湯，暖暖胃。 飲品 分別叫左Strawberry Surprise 、Berry Beri，士多啤梨個杯較清新，因為加入咗橙汁，而雜莓的較為香甜，而且拌入咗益力多 餐廳環境比較昏暗，但係每一處都別具日本特色🇯🇵，而且更加有個露台可以眺望到中環一帶的夜景更多