漢和韓國料理

營業中

休息中

我最近在漢和餐廳享用了一頓午餐，點了他們的招牌韓式雞肉飯。這道菜附送了兩款小菜，其中菠菜的味道非常好，而泡菜也呈現出一種正常但美味的口感。另外，他們還附送了一碗中式湯，名為佛手瓜豬肉蜜棗湯，這湯喝起來真是幾好飲。韓式雞肉飯的味道相當不錯，雞肉的質地嫩滑，一點也不老。調味方面，他們並沒有使用一般韓式辣醬，但這樣的調味使得這道菜更加特別，同時也非常好吃。它的鹹度掌握得恰到好處，不會太咸，剛剛好。而且，一碗白飯的份量相當大，一般的女生可能吃不完，但對於男生來說則足夠了。整體而言，我對這次的用餐體驗非常滿意。漢和餐廳提供的韓式雞肉飯是一道美味可口的料理，配上精心調配的小菜和湯品，讓整個用餐過程更加豐富多樣。服務方面，服務員態度友好且迅速，為我們提供了良好的用餐體驗。👍👍

由於大部份午餐時間都需要上水搵食既關係，四圍既野都食得七七八八。再加上我地好大班人一齊食飯，呢間正正每次入都有位，所以間唔中都會去食下。平時會叫佢既海鮮湯飯，正常發揮無乜特別，今次就想試下新野🤤🤤🤤🤤見到佢話要等13分鐘先有呢個鹽燒三文魚頭飯$66，同行既友人就話想食就叫囉唔怕等咁就叫左😂黎到覺得真係炸到魚皮脆卜卜，感覺應該唔錯。但係食落無乜三文魚既香味而且好肥，有d失望。下次都係食返其他算。

突然即慶兒時回憶燒肉團，一行四人去食漢和以前都係出去自己夾肉，事隔廿幾年先再食。人大左， 口味唔同左，泡菜酸左d,酸到唔似泡菜。但都可以，會想繼續食既。三文魚仼食都幾肥，而且應該可以，我金晴火眼望過😂黎到燒肉，當然要量產雞翼，呢樣我覺得係最好食！雞扒控覺得因為雞扒餣時上多左粉搞到易燶，做唔到板燒雞腿！姐姐換個燒板速度都快！燒洋蔥又幾好食！第一次食！記住呢到係食兒時回憶，要高質既再搵搵啦！出面大把韓燒店有靚牛。呢到係食任食，又雪糕又任食菜。

#20230128 🤍📍 漢和韓國料理 上水彩園路8號彩園廣場4樓R402號舖 🍽️觀塘｜旺角｜沙田｜佐敦｜銅鑼灣｜荃灣均有分店——————————————————————————————#燒烤自助餐 #公眾假期 #晚市 $233🥢 #前菜 💭 佢既湯係勁吸引🤩有3款揀，🐷去當日既老火靚湯係#菜乾豬骨湯 ，好飲但另外兩款仲出色，#海鮮辣湯 有好多蝦🦐魚🐟魷魚🦑蘿蔔係入面，不過辣度十足🥵怕辣既朋友可以試佢個#人蔘雞湯 ，用料足真係有隱約既蔘味，晚市除左壽司有埋刺身食🍣雖然得#三文魚刺身 ，不過都refill得好快，絕對係對得住價錢啦.🥢 #熟食💭 #豬腳薑 係🐷每次去必食，佢啲豬腳係煮到好淋，啲膠質出晒尼，粒蛋係煮到鐵蛋咁🥚#炒粉絲 都唔差，係有幾款煎餅有少少伏🚁其他🐷都無乜點食，聽講午市係可以揀唔要燒肉，然後平啲，返工放飯既朋友都諗得過呀😎.🥢 #燒烤💭 燒肉料當然重要啦，技巧都同樣重要😅#牛仔骨 好似得晚市先有，以🐷既技術都燒到佢骨肉分離，醃好左甜甜地好味😋另一推介#羊肉 都幾好，羊味勁重🐑其他同普通燒肉質素差唔多，無咩特別.🥢 #甜品💭 #雪糕 係雀巢，仲有啲涼粉粒、菠蘿粒🍍西瓜粒🍉

說到比較性價比高的自助燒肉餐廳，校長燒肉和漢和算是我所知最便宜的了，前者較便宜，後者時間長。由於我最先去的是校長燒肉，去其他燒肉餐廳都忍不住和校長比較一下。漢和給我最直觀的感覺就是…..簡易版，打延長戰的校長燒肉。基本上這些自助燒肉餐廳的肉，都像是由燒烤店或者超市裡取貨，熟面孔未免太多了，我知道我知道，就這價錢有得自助燒烤已經很好，但你們可是自稱‘韓國料理’啊，你們的肉那來韓國的感覺，除了蔬菜多點健康些外和校長有甚麼分別。不過現場環境倒沒有了之前一篇評論說的污糟，可能是那之後改善了。炸物方面倒是比校長要豐富，也多了些粉絲，蝦片，煎餅之類（大概）韓風的食品，感覺比肉類還要強烈些。說來午市可沒有刺身，只有三種顏色的手卷和腐皮壽司，雖然在韓國餐廳吃刺身聽來就很怪。當然這裡也有些準備好的熱食，分別是水煮菜，雞翼，三文魚骨，炒飯，豬腳薑，碗仔翅，依然是沒有韓風的食物，唯一像樣的只有那泡菜海鮮湯。最後輪到我最愛的甜品環節……也是我最不滿的地方，（個人感覺）口感怪異的啫哩，不細滑的豆腐花，讓我寧願喝清涼爽的涼粉，那些西米糕和桂花糕就更別提了，全部無馱！其中最好的居然是我之前去個園林閣同款的牛奶公司雪

相信好多人同我一樣，漢和是學生時代嘅產物，本人過左學生時代後就冇再光顧過。今晚路過漢和見唔使排隊，價錢只係二百零蚊，晚市放題段講算平。自助款式，咁多年都係差唔多都係豬牛羊墨魚咁，蝦啊羊架高級食材係唔會有。但款係多有誠意嘅。熟食方面係有驚喜嘅除左水果甜品仲有一中係三文魚刺身嘅。甜品推介嘅有自制雜果涼粉。熟食推介呢有海量嘅多春魚，可能驚你自己唔識燒，幫你燒埋我就會放燒盤上再燒幾下先食。味道唔錯👍🏼燒肉方面推介嘅有西冷同牛仔骨，竟然佢嘅牛肉有牛味，同埋冇根淋身，CP值高。雞翼就一般般啦。最後兩人埋單$502 唔貴唔平，質素俾兒時有進步，咁耐未執係有佢道理😂

同朋友去左呢間漢和韓國料理食燒肉放題。店內環境寬敞，冷氣夠，光線雖然唔係光猛但柔和舒適，衛生情況都滿意，冇好油笠笠嘅感覺。除左韓式燒烤，仲有唔同款式食物，例如春卷、蝦片等小食，炒飯、三文魚、連豬腳薑都有，仲有壽司刺身，沙律吧，老火靚湯等等，特別想讚下佢三文魚供應，可以隨意夾又refill得快，能夠盡情地食。而三文魚質素不差，色澤靚夠鮮美，厚切有口感。炸物例如春卷、海鮮煎餅同煎堆等就麻麻地，粉太多加上凍左，我地嘗試放喺鐵板上焊熱一下，都係救唔返。不過蝦片係吸引小朋友嘅。另外，朋友見到豬腳薑好開心，豬腳同蛋都好足料，反而薑就唔多。燒肉方面，都係自助形式，食材種類多，有雞翼，牛仔骨，黑椒牛扒，龍利柳，豬頸肉等等，仲有新鮮蔬菜，應有盡有 。味道方面，牛仔骨好腍又多肉，味道帶甜，肉質嫩滑，唔洗點醬汁，已經覺得好好食。羊肉味道濃，喜歡食羊嘅可以一試。甜品選擇唔算多，都係水果、雪糕、桂花糕同牛奶布甸，奶味夠濃，入口嫰滑。雖然食物種類款式唔算好多，但勝在近屋企，又有free parking，價錢唔貴，大家今晚都食得好開心👍

14：41到餐廳，佢地話15：00前要叫午餐，我即時叫牛肉石頭鍋飯。職員已講要等30分鐘，但當時已過午飯時間，亦唔多食客，咁我諗住可能會快好多d, 我亦覺得自己選擇等，無問題。而響未等到食物時，佢15：10就已經因為結數，叫我埋單，ok, 我明要埋數，亦即時埋單。當時佢仲強調14：48落單，都未半個鐘未到，個操唔流利廣東話嘅waitress 仲向廚房大叫：「佢14：48落單嘅！」再同我講，應該差唔到多。點知等到15：21，有位職員，拎住碗紅豆沙類嘅糖水埋黎，同我講，因為漏左單，所以送個糖水俾我食住先。個石頭鍋飯，佢話要等多20分鐘先到。因我我約左人，真係無辦法再等，唯有退錢，走人。真係好失望，石門果間好好，唔知點解呢間會咁差，係連d 侍應都好似愛理不理咁。

漢和韓國燒肉放題肉類都算幾多選擇，包括：牛肉，雞翼，豬腸，豬舌，羊架等味道醃製剛好質味道尚算穩定海鮮類亦有三文魚，八爪魚，魷魚等燒菠蘿十分之多汁清甜有驚喜整體來說比較好吃的是海鮮類和豬腳薑和菠蘿價錢尚算平民約$2xx

今日午餐去左呢間漢和，唔係第一次幫襯，但今次極差體驗我地一行四人，兩大兩細，坐四人卡位，開爐幾分鐘時間個爐自動熄左幾次，叫人來幫手，佢話幫我搵人來整，我問佢可唔可以調我去隔離檯，等你地整，佢同我講唔使，好快嘅，兩分鐘就得。OK，我等，整爐個位同事來左，搞左一輪，又離開去攞工具，成個爐拆左出來，擺係檯面整，我再問一次可唔可以轉我去前面個張檯，個服務員就好唔好語氣話我嘮嘈，話整好先，我話你拆成咁，不如調我去前面張檯，你慢慢整。佢居然發我脾氣，話唔係唔幫你轉，係叫你等我整好先轉。大佬呀，你整好我仲使乜轉檯呀？

上水這店我也不是第一次去食，今以真的令我很生氣！我已提早4日訂位，訂了下午5點3位！5點前我便和兩位朋友一起在店門口第，到5點後第二個安排入座，因為我另外兩位朋友也是比較肥的，我們還各自背了背囊，怎料那個帶位的女服務員安排我們3個座在近門口只有一個燒烤爐的卡位，平時我和朋友2個人也是安排座那些一爐卡位，但今次3個人也是安排坐這些，而我那兩個朋友也比較肥，而且我們每人還帶有背囊，根本就坐不下！我便和那女服務員說，可否坐在旁邊那四人的卡位，但那女服務員說那是4人位，3人不可以坐，一定要留給4人才可坐，其實上水這店比較大，座位也很多，我們人座時排隊入座也只有十幾人，即是大約5-6張枱入座，起碼重有幾十張枱！但那女服務員就是不給我們座4人枱，因為那一爐卡位實在太逼，所以我們只有不吃離開！那女服務員見我們離開也不理會，她寧願丟空咁多張4人枱無客坐，也不給我們3人坐，我也是第一次聽3個人不可以坐4人枱！這間店生意本來就不算太好，她這樣做根本就是趕客！我以後也不去這店吃了！反正大把食韓燒的地方價錢和這間差不多，食物比這間質素好和比這間正宗，如3人一定會比有2個燒烤爐的4人位客人座的，我為什麼還要咁難

週日同家人一行5人，本想開心用餐，幫襯了上水漢和韓燒店，好耐以前都有幫襯過；今次幫襯純粹地區方便。週日時間，等侯不算太耐，大確10分鐘有位。進到餐卓坐下，地面已黏立立的；到夾生食物地區，沒有遮蓋，客人夾食物的夾，到處是，更貼在生食物內。食物一般，服務尚可：但環境認真恐怖恐劣。話說食到尾聲，熄細個爐，一隻曱甴🪳出現，整死左；第二隻曱甴🪳 又來。太誇張，太恐怖，我真的走都走唔切，好怕走到我身上，跟我返屋企。真的不會再幫襯，環境衛生惡劣無比

今日假期208元第一個感覺地方入到去覺得都幾舒服，晚市有三文魚牛仔骨真心覺得不錯，有冷盤啊有湯啊有菜啊有甜品啊都好多嘢食，哈密瓜超甜泡菜大豆芽都覺得佢好新鮮好好味，我重點都係食牛肉牛舌其它好多肉類，腸都冇試但係都覺得幾好，飲品一般啦不過不失😃雖然話任食兩小時但係同我哋埋完單侍應都沒有叫我哋走，慢慢再坐多半個小時下次會再來🙏😃火龍果好甜西瓜，雪糕任食，根本都食唔到咁多但係都係抵食囉😊

上水漢和燒肉任食90分鐘 位位$230價錢平, 質素都唔差! 屬於平民自助餐燒肉歷史都幾耐了,平有平食,全自助,服務員基本上會補貨同執貨基本上全程都係自己夾肉燒肉 烤自助餐有好多肉類選擇, 豬肉, 牛肉, 羊肉, 腸仔, 魚柳, 蔬菜, 牛舌.各式醃肉會有唔同調味,唔會單一得一款味,切得比較薄身,方便易燒,好快熟煎一煎就食得,唔少醬汁都係有落水果汁去醃,燒個陣好易焦,先食無醃既肉再食醃肉熟食就更多選擇, 豬腳薑, 泡菜海鮮湯, 炒粉絲, 炒飯,碗仔翅, 炸物 - 春卷, 多春魚, 煎堆, 各式涼菜, 泡菜, 沙律刺身,壽司都有幾款,絕不欺場,就算平價都好,一樣食到唔少選擇甜品有一口布丁杯,芝士蛋糕等等 汽水任飲超抵雀巢雪榚,韓式雪條任食上水彩園路8號彩園廣場4樓R402號舖$230

漢和韓國燒烤真係由細食到大🤭 價錢平, 質素都唔差! 都屬於平民自助餐既, 百幾蚊就有交易!燒烤自助餐有好多肉類選擇, 豬肉, 牛肉, 羊肉, 腸仔, 魚柳, 蔬菜, 牛舌.. 味道係唔錯😋 我最鐘意辣豬肉片, 薄薄既豬肉片, 煎一煎就食得, 有少少甜辣味, 好食😋熟食就更多選擇, 豬腳薑, 泡菜海鮮湯, 炒粉絲, 炒飯, 碗仔翅, 炸物 - 春卷, 多春魚, 煎堆, 各式涼菜, 泡菜, 沙律.. 剩係食熟食都飽丫🤭另外仲有多款飲品, 啤酒都有, 生果, 甜品 - 豆腐花, 涼粉, 雪糕.. .. $1xx 真係好抵食!!😋