我對呢首歌嘅評語好似引黎左一啲爭議。但聽歌從來好主觀，當然，我係尊重大家睇法嘅，因為從來聽歌都無一個標準，甚至每個人對每個歌手嘅合格點都唔一樣，係咪？

不過，我都好想 share 一下呢首歌嘅 MV。從來方皓玟同佢團隊嘅 MV 都比歌曲本身更要精彩，今次亦唔例外。你唔會見到方皓玟夾硬走出黎夾口型破壞整體感 (which 有啲公司好鍾意)，但會見到一幕幕你最熟悉嘅日常，然後配落果句歌詞上面，別具意義。雖然個 MV 無為呢首歌響我心中嘅印象加分，但不得否認，呢個 MV，好難無共鳴。

有朋友響自己 fb 話，睇住方皓玟默默地堅守自己去為香港人寫歌，然後再睇住另一位話好多香港但無再出新歌但又成日開 show 嘅女歌手 (係，去英國開 show 都問大家想聽咩果位)，真係唔識講。其實有乜好講丫，聽歌好過啦。

《假使世界原來不像你預期》

作曲、填詞、主唱：方皓玟

編曲：孔奕佳 / 許創基

監製：許創基

唱片公司：Strawberry Fields

#方皓玟 #假使世界原來不像你預期 #孔奕佳 #許創基 #StrawberryFields #粵語