東昇樓海鮮酒家

營業中

休息中

逛完東薈城Outlet後來了位於馬灣涌村的東昇樓茶座，從地鐵站那邊大約搭5-10分鐘巴士在逸東邨落車後步行過來，位置都算易找。除了可以飲夜茶外，也可選晚飯小菜，選吃小菜的客人比較多。東昇蝦餃皇 (特點)，蝦餃的size適中，蝦餃皮的厚薄度適中，口感柔軟，蝦仁夠大隻。香煎鯪魚餅 (中點)，大大件，煎得香脆又不會太油膩，鯪魚肉餡豐富。薑皇牛柏葉 (特點)，牛柏葉份量足，口感爽脆。黑金奶黃包 (大點)，包體軟熟，濕潤度恰好，內裡奶黃餡夠流心又不會太油。鮑螺片鮮雞粥，粥面灑上薄脆，可惜都已稔了不脆口。粥入口有點微酸，覺得有點怪怪，跟職員講聲，很快就幫我們取消這項item。花膠雞腳湯，湯的面層都明顯見到有點油，尚欠點火喉，但至少不是味精湯。食物質素整體普普通通，不是在附近行完山的話，都沒什麼必要特地來試。

蝦醬豬肉籠仔飯是一道台灣的傳統美食，通常由豬肉、蝦醬、蔥末等材料炒製而成，再搭配蓬鬆的米飯。豬肉經過切絲或切丁後，以高溫快速翻炒，使其保持嫩滑的口感，並散發出誘人的香氣。蝦醬是蝦子發酵而成的醬料，它具有濃郁的鹹香味道，炒入豬肉中後，能為整道菜提供豐富的風味。籠仔飯是以糯米和白米混合蒸煮而成的飯，口感較軟糯，與炒好的豬肉和蝦醬搭配在一起，能帶給你豐富的口感變化。蝦醬豬肉籠仔飯口感豐富，有著豬肉的嫩滑、蝦醬的鹹香以及米飯的軟糯口感，給人一種美味可口的感覺。每一口都能品味到不同的風味層次，是一道受到許多人喜愛的台灣美食。

梅菜蒸鯇魚口感鮮嫩多汁，帶有濃郁的梅菜香氣。鯇魚肉質細嫩，蒸熟後保持了魚肉的鮮美度，口感滑嫩而不膩口，並且與梅菜的酸甜味道相互融合，增添了一層特殊的風味。梅菜的咸酸味與鯇魚的鮮味相互交融，提升了整道菜的層次感，讓人回味無窮。整體而言，梅菜蒸鯇魚的口感豐富多樣，是一道令人愉悅的海鮮美食。肉片炒河粉口感鮮香且彈牙。河粉本身具有柔軟的口感，經過炒煮後更加彈性，入口滑順。肉片通常會先醃製，使其更加嫩滑，並在炒煮過程中迅速熟透，保持肉質的鮮嫩。炒河粉的烹調方式通常快炒火候，使肉片外層稍微焦香，內部保持多汁。此外，炒河粉常會加入蔬菜、調味料和醬汁，增添了豐富的口味層次。整體而言，肉片炒河粉口感豐富而有彈性，肉片的鮮嫩與河粉的滑順相互融合，帶給人們一種美味的滿足感。

今日和朋友東涌行山,朋友介紹往馬灣涌村東昇樓海鮮酒家食午餐海鮮,我們點了午餐咕嚕肉飯和籠仔朱頸肉飯,飲品點了凍阿華田和熱lemon水,上桌時見到兩個飯咁大碟,有驚喜,咕嚕肉食落香脆啖啖肉,配菜青椒,菠蘿配上醬汁食落開胃,白飯香滑軟綿,籠仔朱頸肉飯朱頸肉味道爽滑,豆卜和冬菇美味,醬汁香濃味美,口感滿足,凍阿華田口感十足,味道香濃,酒家座位闊落舒適,有很多舊式物品,例如百子櫃和象牙等,食物味美,份量十足,食了一份豐富午餐酒家座位闊落舒適,有很多舊式物品,例如百子櫃和象牙等,食物味美,份量十足,食了一份豐富午餐

嗌左幾個小菜 食完 想加多兩個 西檸雞 煎肉餅 光頭佬落單 等左廿分鐘 冇影 問番光頭佬有冇落單 大大聲實牙實齒話有落 好 繼續等 等到半個鐘 真係頂唔順 出去食支煙先 食食下光頭佬行出黎係我面前催丫姐話仲有兩個餸未到 但煎肉餅講左做蒸肉餅 我提一提光頭佬話係煎肉餅唔係蒸肉餅 佢叫我自己出去廚房講話係煎肉餅唔係廚房就蒸左架喇 我想下光頭佬先生 我洗唔洗幫你出埋糧？ 入到廚房個丫姐仲要串77 煎定蒸丫？光頭佬先生 冇記性就唔好講到咁實牙實齒喇廢柴

今日我地九個女人行完山，去揾地方晚飯，之前有朋友試過這茶座，推介我地去食。今天叫了一條漁，一斤蝦，另外四碟小菜，有個男侍應介紹食黄腳，大約$2百多，話夠我地九個人食，無秤比我們睇，點知條漁來到只夠三個人食，蝦又霉，我地同老闆理論，他霉氣話我點知你地是否八斤漁先夠食，又把條漁升級為海。到埋單時，我朋友同老闆講今日特登介紹朋友食，你今日比d咁嘅野朋友食，攪到我好無面，下次唔會再幫襯。跟住有位女仕糾正話今次有誤會，條魚細左d, 只有12両，所以俾番優惠價，另外蝦就幫我地取消。今次經驗是下次食海鮮都係去返有信譽的地方食

一大班同事為左賀上司榮升之喜，係就近既東昇樓擺番圍食餐勁。先黎半隻燒鵝同燒腩仔攝下牙罅！燒鵝燒得又香又唔太肥，燒腩仔層層分明，食肉獸唔洗一陣就清左碟跟住到熱氣野上場，黑椒薯仔牛柳粒炒得乾身，黃金蝦碌被蛋黃完美裹上，一路開枝啤酒一路食就最正路！傾計傾到口水乾，黎個胡椒豬肚湯潤一潤，豬肚無異味，湯頭夠胡椒味十分暖胃，唔錯。蒜蓉魷魚同啫啫雞煲係下飯菜，吸晒醬汁既粉絲底比魷魚可能更吸引，面頭既金蒜怕口臭都要清晒去；啫啫雞煲夠鑊氣，係個汁比較重口味，不過大排檔風味都係咁上下。唔夠飽既男士加左個乾燒伊麵，炒得夠鬆身。作為東涌甚少既大排檔之一，呢個水平都收晒貨了。

今晚响東涌outlets 行完街, 不想在商場內晚飯,便周圍找找…好不容易, 來到東昇樓, 當時巳差不多9pm, 又下着綿綿細雨, 只剩一枱客, 幸好老闆好人, 叫我哋坐低. 我哋便立即趕快點餐: 生炒牛肉飯、乾炒牛河及一隻乳鴿. 以這個平民價錢來説, 質素巳很不錯，乳鴿更是出色，新鮮炸出，很好吃. 姐姐們也很友善, 叫我們慢慢吃不必擔心, 壓力即刻減平,好抵讚! 兩個炒粉麵飯+ 乳鴿，才合共$164, 完全沒計茶位及沒有➕一, 今時今日,這個價錢,真心覺好抵. 必定會再來(今晚較趕, 沒有拍食物照片, 只有環境及餐牌照片）

位於東涌逸東邨附近，估唔到竟然有個舊式嘅小區，係果邊就搵到呢一間都幾多人食嘅大排檔。雖然入面嘅環境裝修都較舊式，但一入到去就有湯任添！每樣菜都唔錯，幾有鑊氣。當日嗌咗6款小菜，兩飯一炒河，埋單都係10個人分都係$70位，十分抵食！

今日和朋友黎到東涌，當然要黎東昇樓試一試，由地鐵到這裡的路程不太遠，慢行大約10分鐘。👣黎到這裡當然要試一試海鮮，我們就叫了白灼蝦，炭燒燒肉，鹽焗雞，椒鹽豆腐， XO醬肉片，清蒸海上鮮，菠蘿咕嚕肉和白飯。食物也挺好味的。白灼蝦配上簡單豉油，不會煮得太老。炭燒燒肉的皮很脆，味道不會好鹹，就咁食都可以當小食。👍🏻鹽焗雞嫩滑，加上薑葱更好味。椒鹽豆腐外皮脆口， 非常野味，感覺不會太熱氣。XO醬肉片味道香口，XO醬肉片不辣😍，跟配飯一流。😆清蒸海上鮮值得一讚，入口嫩滑，石斑跟豬肉條一起煮，平時好少見，味道十分夾。菠蘿咕嚕肉酸酸甜甜，配飯十分開胃。朋友們也十分滿意這餐飯，下次要再黎食過。

今日係東涌呢間菜館食晚餐，餐廳環境一般，餐廳門口有海鮮供應，有點兒流浮山的影子。叫咗個燒腩仔，脂肪及瘦肉層層相間，約有四層，皮鬆化、肥瘦算均勻，口感唔覺油膩，食到肉香。椒鹽賴尿蝦，蝦身光澤鮮亮，加上濃厚的椒鹽香味，不俗！這個海鮮粉絲煲，湯底味濃郁，食材可以！

耐唔耐都會出嚟同班姊妹聚會一次，多數係佢哋揀地方，今次佢哋唔知點解揀咗呢間咁遠嘅餐廳，真係唔係一般的遠，係超級超級遠！！！如果想去呢度，首先要搭去東涌港鐵站，然後再轉巴士，然後再行一段路，感覺上除咗附近居民的人之外，應該冇乜人會去，除非有揸車，不過揸車都唔算好方便！環境同服務都係一般，冇話特別出色，不過都唔算極差，中等，合格，可能因為佢哋都唔憂做，所以真係冇乜特別⋯食物方面，同一般大排檔質素冇乜分別，合格，算係好食，不過價錢都唔算好平，有新鮮海鮮，好巨型的象拔蚌，可以做刺身整體合格，正常，中間，中等。無聊想試咪試吓，時間多都可以入嚟試吓。

今晚一家三口又千里迢迢來到東涌，光顧這東涌名店 ...先來個招牌菜“鹹蛋土魷煎肉餅”，香口，味濃，鹹蛋和土魷味鮮明，有水準。繼續邪惡 ... “椒鹽鮮魷”有點失準，鮮魷是新鮮的，夠味，但落鑊炸時沒把它們搞散，明明有十來塊，但現在變成三大“隻”，要我們一家人奮力用筷子把這“三隻”大魷魚肢解。沒有最邪惡，只有更邪惡 ... “酥炸桶蠔”其實都很好，起碼沒有剛才的鮮魷“黐埋一嚿”，但失策，調料只有喼汁，要揚手呼叫侍應，兩分鐘後才來必配的准鹽。這“海鮮雜菜煲”看起來不得了，有真蟹、花甲、瀨尿、蝦乾，雖不是上乘貨，但起碼說得上真材實料，超額滿足了商品說明條例，不過雜菜煲的湯底其實沒什麼海鮮味，那幾塊蝦、蟹、花甲等應該沒有在鍋中烹調太久，所以湯的味道平平，但既然不是用上等貨，倒不如把它們多煮一會，讓菜湯多點海鮮味，或會更惹味！東昇樓沒有甜品，但它有一個甜品menu，是外包給隔壁另一間點心小店的，我們也點了“芒果西米露”及“芒果布甸”，但兩個都是hea做的，得個甜字，只有煉奶味，芒果只有幾粒，完全沒有芒果汁混在布甸及西米中，很失敗，我奉勸東昇樓老闆，沒有甜品就算了，不要外包，攪衰自己招牌！