方力申游泳學校月蝕20萬：以為會一帆風順
撰文：鄺鈺瑩
出版：更新：
方力申嘅游水學校開業3年，由於疫情關係，月蝕20萬。
方力申早前接返TVB嘅《財經透視》採訪，該集專題為「運動員前路」，採訪，該集專題為「運動員前路」，探討各人探討遇上嘅問題。方力申表示運動員身份對佢入行係有幫助，亦因為運動員身份，幾乎所有百萬行起步禮、馬拉松等活動都會邀請佢出席，大大增加佢嘅曝光。但另一邊廂，亦因為運動員對自身要求十分高，所以方力申話轉做藝人初期時，自覺咩都唔識而變得內向。
有網民覺得財經組記者何佩珊望住方力申時，個樣特別冧。（影片截圖）
2018年同朋友開辦游水學校，但開業不久就遇上疫情，至今每月虧損20萬：「我本來以為我係藝人，又係運動員，開游水學校會一帆風順，但原來真係唔係，因為去到真係做生意時，好多想同你合作嘅機構、學校，真係要睇你公司營運紀錄，所以一開始想搵合作真係唔容易，對方話我哋太新。我都做咗三年幾，直到今日我都只係得兩個泳池，要喺市場上佔一個位，真係要好長時間先可以慢慢換來口碑、得到其他人信任。」