香港教育專業人員協會 Hong Kong Professional Teachers' Union，簡稱〔教協〕，係一個由香港嘅大學、中學、小學、幼稚園教師組成嘅工會。亦係香港最大嘅單一行業工會組織。

〔教協〕呢個組織係由前市政局議員［錢世年］喺1973年提議創立，主要係由〔香港教育團體聯合秘書處〕成員改組成立，之後［葛量洪校友會觀塘學校］校長［司徒華］獲選為第一任主席。

喺〔教協〕創立嘅初段，啱啱係文憑教師爭取合理薪級制度運動。1972年，政府降低咗文憑教師嘅入職起薪點，重要將教師薪級脫離公務員總薪級表。

當時［教協］正喺度申請註冊等緊批准嘅階段，協會嘅臨時執行委員會同其他12個教育團體組成咗〔香港教育團體聯合秘書處〕，而［錢世年］就係秘書處嘅主席，佢就帶領住「文憑教師薪酬事件」，為嗰啲非學位教師爭取合理薪酬而舉行大罷課。

1973年，［錢世年］成為市政局議員，要請辭［秘書處］主席，佢繼續支持成立［教協］組織。［教協］成立之後，又喺1978年發起反對校長貪污嘅〔金禧事件〕，奠定咗［教協］喺香港教育界嘅超然地位。

［教協］係香港專設獨立大型會所嘅工會，而且係自置物業，第一個會所設喺油麻地渡船街文華新村文景樓。依家［教協］分別有一個辦事處同兩個會所。

總辦事處：九龍旺角山東街51號中僑商業大廈7樓

九龍會所：九龍旺角彌敦道618號好望角大廈8樓

港島會所：港銅鑼灣堅拿道西15號永德大廈閣樓

會所入面除咗有辦公點之外，又有會員醫務所、教室、書店、旅行社、眼鏡店同埋大型超級市場。

重有，原來［教協］係［香港職工會聯盟］嘅屬會，所以持有［香港職工會聯盟］會員証嘅工會友好，都可以去［教協］嘅專屬超級市場買嘢。

編：自由攝影機．2014年9月5日

香港風情。廣東話資料館