影片
營業時間
今日營業
11:30 - 14:30
18:00 - 22:00
星期一至日
11:30 - 14:30
18:00 - 22:00
以上資料只供參考, 請與餐廳確認詳情
今日特登黎銀杏館lunch, 一. 因為食過油塘銀杏館有水準, 二. 因為想支持社企. 食完li間好肯定唔會再特登黎.🥢蟲草花雲耳蒸雞 $78分量小得好得人驚, 砵入面: 雞髀切2舊肉, 雞全翼個隻都要斬得一細件肉出黎, 其他仲要係主要皮+骨位. 雞肉韌, 雲耳同蟲草花同d肉相比份量較多, 我特登寫返個價錢$78, 無論份量同味道都絕對唔值$78.🥢叉燒炒滑蛋配古法鼓油 $78我地以為個炒蛋喺外賣盒”𢳆”完先倒落碟, 係一攤中左面目全非腳嘅炒蛋, 口感上完全無”滑”嘅感覺, 叉燒原大塊炒入無切過, 賣相, 口感, 味道都唔得.🥢自家農莊有機菜 $68係個碟大定係份量真係細？只見疏疏落落嘅菜心, 家常菜黎講佢算炒得OK, 每碟餸嘅獨立相都係未食之前影.🥢古法咕嚕肉 $88我地係2大+ 2個3歲小朋友, 原本唸住叫2餸1菜夠食. Li個咕嚕肉係個3碟餸份量小而後加. 係咪我地大胃王淨係喺li間餐廳先唔夠食呢？ 講返咕嚕肉, 以佢嘅特厚炸漿(我仲食左一整舊淨炸漿無肉添) 同埋味道, 真係無野講.🥢餐廳每個菜都會送自助沙律吧, 有白飯, 粥, 糖水, 沙律, 檸檬薏米水, 羅漢果茶, 咖啡. 特別一提羅漢果茶相信係”grandma’s recipe”, 竟然同朋友平時用羅漢果煲開嘅味道完全唔對路. 🥢會繼續支持認真對待食物嘅銀杏館分店.
繼續閱讀
初頭知道係社企，冇抱好大期望，但係入到去，哇氛圍滿滿，有live show聽，大家亦都好supportive咁拍手，但的確音響聲音過大，未必太適合想安靜傾下計嘅聚餐。另外嘢食都唔錯，味道好足，份量都偏大，抵食。
繼續閱讀
適逢新年，與朋友聚一聚，吹吓水，順便拜吓年，談談生活近況。聽前輩講有間社企名為銀杏館在油麻地平安大廈，食物質數都唔錯，於是就試一試。這間食店是位於舊式大厦裏面，裝修比較古舊，但頗為特別，還有歌手在唱歌。聘用的都是上咗年紀的侍應，但一啲都不覺得他們年紀大，反為還覺得他們充滿朝氣。碌鵝 （例牌）$198這道菜例牌都好大碟，鵝肉鮮嫩，咬落還有微微的肉汁滲出，再配上醬汁十分惹味，但可惜肉質有少許靱。藥膳隔水蒸雞 （一隻）$308雞肉又嫩又滑，食落還有微微的當歸味和藥材香味滲進口腔裏，豐富了我的味蕾，但可惜雞肉有少許過熟。三蔥蝦 $168這道菜當然以大蝦為主，再配上青椒、洋蔥和大蔥。蝦肉十分鮮嫩，蝦殼炸得脆口，再加甜甜的醬汁，鑊氣十足，令人胃口大開。古法蒸珍珠斑 $208紅椒絲、蔥絲和金華火腿蔥絲舖滿了整條魚上，魚肉十分鮮嫩，再加上紅椒絲、蔥絲的香味和金華火腿絲的咸香味滲進魚肉裏，提升了這道菜的鮮味。冰梅香酥骨 $148排骨伴上紅椒、黃椒、青椒和洋蔥，鑊氣十足，再加上甜甜的醬汁，十分惹味，但可惜排骨炸得過火了，食落感覺有點乾和靱。
繼續閱讀
第一次去，因為阿媽話想試。食物一般。侍應是伯伯，十分熱情地hard sell, 可能有人喜歡，我就覺得好煩，有少少強迫消費。係咁叫我地叫燉湯呀，汽水咁。重點黎啦，係有個阿姐係度唱歌，我唔comment 佢唱成點，但就好嘈。曾多次要求把喇叭較細聲少少，但經理聽完冇去做。因為太嘈，仲嘈過Disco, 快快趣食完就走。永遠唔會有下次。如果鐘意嘈到耳聾嘅，可以考慮幫襯。提提大家，原來佢地啲所謂燉湯，係一包包交黎番熱的。大家喜歡飲都不妨試試，但我就覺得鴻x堂都好過佢。
繼續閱讀
銀杏館係香港首間推動✨長者就業✨的社會企業餐廳，好值得支持🧡老友記雖然手腳慢少少，但非常親切友善。當晚星期五，仲有Live music 🎤🎶 隔離枱生日仲會一齊唱生日歌，氣氛熱鬧🎈特別推介藥膳雞同豬油飯，好味到要打包😆🐓🐖 #foodie
繼續閱讀