广东人是怎么学习用拼音打粤语文字的?
59 个回答
本文以粵文撰寫,to read full content in English please click here, 用普通话看这项内容请按这里。
藉住呢個提問,〇二想同大家普及一下正常嘅粵語打字法。粤语(粤文)使用嘅係漢字,自然會涉及打字法。排除語音聽寫同手寫輸入法,漢字嘅鍵盤打字法大可分爲音碼輸入法同字形輸入法兩大類。由於我哋用嘅係漢字,用字形輸入法係無可厚非,十分正常。至於喺我哋生活中,唔少人用拼音輸入法輸入粵文嘅實際操作,正係本文主要想講嘅內容。
標準嘅粵語拼音方案(Jyutping),喺一九九三年定案,再喺二零一八年添加咗a同oet兩個韻母。自定案後,拼音得到粵港澳學界嘅認可及國際標準組織嘅充分使用。目前除個別較早出版嘅書籍以外,拼音已通行於各粵語字詞典等嘅線上資源。與此同時,隨住大眾對拼音嘅認知不斷成熟,相關輸入法喺電腦及流動裝置嘅使用亦越趨普及。
惟現時網上仍殘留爲數不少昔日「用『拼音』打粤语字」嘅貼文,令人歎爲觀止。〇二認爲呢啲主張用非粵語拼音輸入粵文嘅做法過時且不正常,嚴重誤導母語使用者同粵語學習者,使大家難以接觸到正確嘅輸入方式。呢啲反常嘅操作,仍有待正確嘅引導同科普。
天生萬物,皆有其用。想輸入邊種語言,就用邊種語言嘅輸入法打字,方爲正路。主張用「汉语拼音」輸入粵文,就好似用棉籤刷牙,雖然都刷得到,但係就唔正常。粵語拼音用來輸入粵文、上海話拼音用來輸入滬文、北方話拼音用來輸入北文,乃各司其職,就如同用牙刷刷牙一樣咁正常。噉點解唔用返牙刷嚟刷牙呢?
〇二有幸與各答主一樣,都係正常打字嘅。故可有自信回應題主嘅問題「广东人是怎么学习用拼音打粤语文字的?」作爲廣州人,〇二將在此同大家分享學習拼音及各輸入法嘅相關資源,以便大家掌握以正常嘅輸入方式打字。
拼音相關網站及查詢工具
拼音方案官方網頁:
字典 - 粵音資料集叢:
歌詞 - 羊羊粵語(原粵K粵愛):
喺瀏覽器中使用由粵語計算語言學基礎建設組開發嘅拼音標註工具 - inject-jyutping(幫漢字標拼音):
輸入法下載及說明
Android:中州韻(同文輸入法)、搜狗輸入法、Gboard
iOS & iPadOS:中州韻(iRime輸入法)、粵語輸入法、Cantoboard、搜狗輸入法
Linux:中州韻(ibus-rime項目)
MacOS:中州韻(鼠鬚管輸入法)
Windows:中州韻(小狼毫輸入法)
裝置中自帶鍵盤支援拼音輸入法嘅品牌
三星(三星鍵盤)、BlackBerry、Sony(PSP)
註:如果用Google鍵盤(或Gboard)嘅話,請記得喺設定入面揀選標準方案「粵拼(Jyutping)」;
註二:封裝好嘅小狼毫、同文、鼠鬚管粵語輸入法及官方原版Gboard可於〇二中文教學筆記下載。