跳至頁
首頁
1
尾頁
發表於 
Re: 請介紹好既搬琴公司.
請問你係搬屋定係淨搬琴? 如果係搬屋, 一般搬運公司都會搬埋琴, 但最好揾間口啤好嘅 (因為我多年前曾经貪平用過一間唔好嘅, 非常恐佈, 搬咗一半之後停工要求加價, 一加就加一倍, 之後仲再屈多成千蚊tips.)
搬琴價錢方面主要睇你由邊度搬去邊度, 使唔使行樓梯, 個琴入唔入到電梯 (就算有 lift 都唔一定入到架), 如果係Grand (三角琴) 就又貴啲喎.
我上次淨搬個Upright琴(連琴椅), 由九龍去香港, 大約HK$700-HK$800. 我而家用開間搬運公司好好架, 10年嚟幫我搬咗好多次屋, 都未試過有乜問題, 而且仲好小心, 所以我淨搬琴都揾佢.
調音大約HK$300一次, 但我用嘅調音師傅係好有经驗嘅老手,所以價錢唔一定最平, 但功夫好. 如果你個琴响通利買既, 通利好似包2次(定X次) 免費調音, 你可以打電話問吓先.
如果你有興趣要我用開搬琴或調音師傅資料, 話我知呀, 我可以email / pm 俾你.
搬琴價錢方面主要睇你由邊度搬去邊度, 使唔使行樓梯, 個琴入唔入到電梯 (就算有 lift 都唔一定入到架), 如果係Grand (三角琴) 就又貴啲喎.
我上次淨搬個Upright琴(連琴椅), 由九龍去香港, 大約HK$700-HK$800. 我而家用開間搬運公司好好架, 10年嚟幫我搬咗好多次屋, 都未試過有乜問題, 而且仲好小心, 所以我淨搬琴都揾佢.
調音大約HK$300一次, 但我用嘅調音師傅係好有经驗嘅老手,所以價錢唔一定最平, 但功夫好. 如果你個琴响通利買既, 通利好似包2次(定X次) 免費調音, 你可以打電話問吓先.
如果你有興趣要我用開搬琴或調音師傅資料, 話我知呀, 我可以email / pm 俾你.
Re: 請介紹好既搬琴公司.
收到好多pm, 先知原來都咁多人有興趣搬屋資料, 搬運公司聯絡電話我已經pm咗俾大家啦, 請check 吓私人訊息啦.
價錢方面主要睇你有幾多野搬, 同埋由邊度搬去邊度, 使唔使行樓梯, 一般搬運公司都會提供免費上門報價, 你覺得OK先至約實搬.
不過要注意, 有啲搬運公司報價同搬係唔同人, 有啲又會「判上判」(尤其是搬屋吉日, 明明Full咗都仲接Order, 然後再判俾其他搬運公司), 好似我果次貪平揾個間就係咁, 搬咗一半先就地起價, 又凶神惡剎兼爆粗再屈茶錢同貼士, 唔俾唔得, 真係好恐佈架!
至於有人問我搬屋既参考價錢, 真係好難講, 所以要搬運公司上門報價. 我屋企大約七八佰呎度, 有床、衣櫃、其他傢俬、電器、鋼琴、雜物等等, 大約搬咗三仟幾蚊. 不過我介紹個朋友仔用我而家用開間搬運公司, 屋企Size差唔多, 就只係搬咗二仟零蚊, 可能單身靚仔無我咁多傢俬雜物呱?! 而我另一個師奶朋友既屋企六佰呎左右, 但搬咗成七仟蚊 (不過佢用另一間搬運公司, 好難比較).
另外, 記住問吓搬運公司包唔包紙箱,包幾多個或者幾錢個 (通常HK$10一個), 有啲會提早幾日俾紙箱你執野, 有啲就搬屋個日即場執, 有啲仲會提供竹籮, 方便放厨房野同雜物.
如果傢俬太大件入唔到電梯, 搬運公司通常會幫你將大件傢俬拆件, 搬完之後再幫你裝返, 雪櫃、洗衣机就會幫你插埋(不過如果插蘇水喉唔啱位就要另外揾水電師傅啦), 不過最好上門報價時問清楚先.
訂金方面我就未試過要俾, 通常係搬完先一次過找數俾現金, 貼士另計,我係最後搬完Check過無問題先俾錢.
至於貼士方面, 我而家用開間搬運公司就無話要幾多貼士, 但我就一定俾, 因為搬屋真係好辛苦架, 見佢地咁盡力, 我覺得好應該俾貼士, 心意黎嘅, 豐儉由人.
以上資料僅供参考, 提意大家記住上門報價時問清問楚先决定.
祝Happy Moving…
價錢方面主要睇你有幾多野搬, 同埋由邊度搬去邊度, 使唔使行樓梯, 一般搬運公司都會提供免費上門報價, 你覺得OK先至約實搬.
不過要注意, 有啲搬運公司報價同搬係唔同人, 有啲又會「判上判」(尤其是搬屋吉日, 明明Full咗都仲接Order, 然後再判俾其他搬運公司), 好似我果次貪平揾個間就係咁, 搬咗一半先就地起價, 又凶神惡剎兼爆粗再屈茶錢同貼士, 唔俾唔得, 真係好恐佈架!
至於有人問我搬屋既参考價錢, 真係好難講, 所以要搬運公司上門報價. 我屋企大約七八佰呎度, 有床、衣櫃、其他傢俬、電器、鋼琴、雜物等等, 大約搬咗三仟幾蚊. 不過我介紹個朋友仔用我而家用開間搬運公司, 屋企Size差唔多, 就只係搬咗二仟零蚊, 可能單身靚仔無我咁多傢俬雜物呱?! 而我另一個師奶朋友既屋企六佰呎左右, 但搬咗成七仟蚊 (不過佢用另一間搬運公司, 好難比較).
另外, 記住問吓搬運公司包唔包紙箱,包幾多個或者幾錢個 (通常HK$10一個), 有啲會提早幾日俾紙箱你執野, 有啲就搬屋個日即場執, 有啲仲會提供竹籮, 方便放厨房野同雜物.
如果傢俬太大件入唔到電梯, 搬運公司通常會幫你將大件傢俬拆件, 搬完之後再幫你裝返, 雪櫃、洗衣机就會幫你插埋(不過如果插蘇水喉唔啱位就要另外揾水電師傅啦), 不過最好上門報價時問清楚先.
訂金方面我就未試過要俾, 通常係搬完先一次過找數俾現金, 貼士另計,我係最後搬完Check過無問題先俾錢.
至於貼士方面, 我而家用開間搬運公司就無話要幾多貼士, 但我就一定俾, 因為搬屋真係好辛苦架, 見佢地咁盡力, 我覺得好應該俾貼士, 心意黎嘅, 豐儉由人.
以上資料僅供参考, 提意大家記住上門報價時問清問楚先决定.
祝Happy Moving…
首頁
1
尾頁
跳至頁
返回列表
