【裝修佬文章轉載】- 搬屋公司推介（付費篇）

原文連結：https://hkdecoman.com/article/53881
【本文章轉載自裝修佬 - 一站式網上裝修平台】搬屋牽涉既瑣碎事情繁多，由整理及執拾雜物、裝拆傢俬以至尋找搬屋公司等都令人懊惱，選用合適既搬屋公司可以話係最重要的一環，否則惹來一肚氣之餘，更可能係金錢上大失預算。

因此，消委會係今年八月至九月向106間搬屋公司發出問卷，查詢相關服務既收費及資料，，最後合共收集左20間公司既回覆，以下係20間公司既名單：

1. 祥發搬屋（香港）有限公司
2. 智富搬運有限公司
3. 海棠物流
4. 宜家搬屋有限公司
5. 竭誠搬運有限公司
6. 壹-搬屋服務有限公司
7. 美高搬屋搬運公司
8. 逐件計搬運有限公司
9. 東華搬屋服務有限公司
10. 迦南搬屋有限公司
11. 中邦搬運有限公司
12. 香港搬屋服務公司
13. 合成（香港）搬屋有限公司
14. 吉利搬屋有限公司
15. 力勤物流搬運公司
16. 立勝物流有限公司
17. 信譽搬屋物流有限公司
18. 順景搬運有限公司
19. Van pac Group Asia (Hong Kong) Limited
20. 人人搬屋

呢二十間搬屋公司都有各自既特點，今日就為大家比較一下佢地係付費程序上既分別。

報價方式

搬屋公司既報價方式一般係由職員上門視察環境，並點算傢俬及雜物的數量，再向消費者報價。是次調查發現 2 間公司「宜家搬屋」(#4)及「逐件計」(#8) 並唔會提供上門報價服務。消費者如選用呢兩間公司既服務，需要透過佢地公司既網頁或電話報價，雖然比較省時方便，但消費者如果未能如實報上所有需要搬運物件既數量，難免會影響報價既準確性。而其餘18 間公司除了提供上門報價外，亦同時提供網上或電話報價服務。但即使使用網上或電話報價，亦會因應情況而定，因為搬屋仍然需要視乎實際狀況如家具數量或地點等情況而決定價格。

付款時間

一般來說，搬屋公司慣常係提供服務前，先向客戶收取部分訂金，完成服務後（即搬屋當日）支付餘下尾數。調查發現，大部分公司（15間）都採用呢種付款模式，需付訂金由$200至$1,000不等，又或者係總搬運費既10%至50%。餘下5間公司，包括「海棠」（#3）、「美高」(#7)、「迦南」(#10)、「中邦」(#11)及「合成」(#13)都容許客戶係完成服務後先至支付整項費用。相對預付訂金既公司來講，呢種付款既方法對消費者有較大既保障。

最低消費金額

如消費者需要搬運既物件較少，請注意搬屋公司是否設有最低消費。「智富」(#2)、「海棠」(#3)、「迦南」(#10)、「中邦」(#11)、「吉利」(#14)、「力勤」(#15)及「立勝」(#16)都不設最低消費，對消費者來說較具彈性。其餘13間的最低消費由$至$3,500不等;當中「宜家」(#4)、「逐件計」(#8)及「信譽」(#17)的最低消費視乎地區而定，例如公司與搬運地點的距離。

舊生會實測
裝修防伏班舊生表示，對於裝修搬屋公司選擇上大多數以價錢為主要考慮因素。但除左價錢之外，舊生們亦都好注重搬屋公司既收費模式。唔少同學都有試過報價與實際收費唔一樣，以及有對於搬太少野搬屋公司接唔接單既煩惱，代表上述既內容絕對係大家搵搬屋時有機會會與到既狀況。

下一集小編將會同大家講解搬屋公司有機會會收取既附加費用，想留意更多有關裝修既知識，記得留意裝修佬專欄啊。