陳楨怡被爆背圈外男友Andy一腳踏兩船 舊愛戴祖儀自問對愛情專一

陳楨怡被爆背圈外男友Andy一腳踏兩船 舊愛戴祖儀自問對愛情專一

撰文:吳子生
出版:更新:

前港姐陳楨怡(Celina)近日被指一腳踏兩船,背住圈外男友Andy(戴祖儀前度男友)與周子揚發展地下情近年半。而周子揚更向傳媒連環爆料晒親密照,力證二人情侶關係,籍此希望Celina承認他是正印男友。

今日(17/1)戴祖儀現身電視城出席無綫新劇《青春不要臉》宣傳造勢活動,就上述事件接受《香港01》訪問時說:「其實我真係好耐都冇同前度Andy聯絡,因為我同佢都係讀書時嘅事,咁所以唔係太清楚發生嘅事,而我都係睇大家嘅報道先知。(睇到呢單新聞會否覺得驚訝?)哈哈,我睇到自己嘅名我覺得驚訝啲。但我就唔會太過去研究,因為始終感情事,都唔知究竟發生咩事,咁所以都唔評論太多。(你專唔專一?)咁專一係正常啦!係唔係呀!哈哈!你可以咁講,追韓劇嗰排我係好花心嘅,嗰排鍾意孔劉作品,我就好鍾意孔劉,嗰排鍾意彭于晏作品,我就好鍾意彭于晏,咁所以我都鍾意幾多人㗎。」

戴祖儀自問對愛情好專一。(陳順禎攝)