現年36歲的戴夢夢早前在社交網公布閃嫁39歲金融才俊Kyle，今日一對新人在灣仔一間酒店舉行婚宴，筵開8席，賓客主要親朋好友，當中亦有圈中朋友如林盛斌（Bob）、黎瑞恩、江欣燕、盛品儒夫婦、范振鋒夫婦等。新娘戴夢夢傍晚跟新郎一同現身讓傳媒影相，新娘子身穿低胸透視婚紗，當傳媒要求兩人咀嘴時，新郎顯得怕醜，經過多次要求下才願意親嘴拍照。

戴夢夢右手戴上求婚戒指，左手則戴上哥哥所送的紅寶石戒指，她透露哥哥在10年前已為她準備一套紅寶石首飾作嫁妝，令她好感動。談到與Kyle的結識經過，戴夢夢表示老公透過醫生朋友介紹而相識，又大讚老公是一個住家男人：「佢個人好細心，而且煮嘢食好叻，我覺得識煮嘢食嘅男人加分！我哋拍咗拖半年就求婚。」戴夢夢否認雙喜臨門，但笑言會努力，不過認為生B則隨緣。想生幾多個子女？戴夢夢笑說：「最好似蔡一鳳一次過搞掂（指龍鳳胎）都幾好！」她又大爆老公上星期不慎撞斷鎖骨，需要不停食消炎止痛藥，完成婚宴後於今個周末做手術。問到給予老公幾多分，她sweet爆說：「畀100分老公!」

可有邀請舊愛Ricky出席婚宴？戴夢夢表示有，不過Ricky不想傳媒將焦點放錯位置，她說：「始終好多老人家，不過佢前幾日已經畀咗禮金我，我老公同佢都見過幾次面，佢都有傳訊息畀我話一切順利、開開心心、白頭到老。」

星島新聞連結：

#戴夢夢 #星島娛樂