應智越被模特兒前女友Kero 爆偷食形象插水：絕冇一腳踏兩船

細貓（應智越）今晚（18/8）現身太古城出席首映禮。對於早前被模特兒女友Kero爆偷食，戀上一同演出舞台劇的女主角陳伊霖，歌手形象嚴重插水。

細貓就事件接受《香港01》訪問時說：「其實自己反思咗好多嘢，而我個人本身係會完咗一段感情之後，先會再發展另一段戀情，絕冇一腳踏兩船，我承認自己喺事件上係處理得唔好，好想喺度藉此同所有受影響嘅人道歉。（同前度有冇聯絡？）而家大家都冇聯絡。而我同陳伊霖一直都係朋友嚟，事情發生咗都有對佢有影響，我都非常之抱歉。（而家感情狀況？）我而家係單身，事件發生咗我係好有壓力，我本身真係唔希望傷害到任何人，我覺得始終人心向善，先係最緊要。」