【慶餘年】范若若戀上親哥哥? 宋軼爆第二季情節大急轉|香港01|即時娛樂

【慶餘年】范若若戀上親哥哥? 宋軼爆第二季情節大急轉

撰文:
最後更新日期:

范若若對范閑嘅感情,喺第一季主要都係鋪陳,去到第二季先開始有變化。(影片截圖)

《慶餘年》去年在內地播出時大受歡迎,有指飾演范閑嘅當初張若昀收到劇本之後,毫不猶豫咁簽下三季五年拍攝嘅合約。雖然第二竽確實開拍日期仲未有,但張若昀早前接受訪問時,已透露編劇已經諗好第二季劇情,而飾演慶帝嘅陳道明亦已經開口催促拍攝。

小說中,靖王世子為范若若改邪歸正,最後成功抱得美人歸。

劇中飾演范閑妹妹范若若,有「京都第一才女」之稱,琴棋書畫樣樣精,對范閒更係忠心耿耿,飾演范若若嘅宋軼早前喺內地清談節目中,提到范若若將會喺第二季有唔少變化,除咗去到宮中成為人質之外,仲會愛上范閑!「因為一開始不知道她是親哥,後來知道了就會有一個情感的變化」

宋軼透露范若若將會為咗范閑已入宮成為人質。

其實喺原著小說中,范若若一直都對范閑十分依賴,而呢份依賴到後來慢慢變成喜歡。喺范閑直正身份被揭開後,范若若曾向范閑暗示自己嘅心意,無奈對方一直情傾雞腿姑娘。不過,范若若嘅感情亦都唔係無著落,因為佢成功吸引到靖王世子李弘成,更願意改為佢邪歸正,甚至係一齊浪跡天涯去救人,最後亦成功娶得范若若做老婆。

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。