秋天去郊外閒遊,遠離塵囂放鬆下,有益身心。航拍Fans更可以帶埋隻航拍機到郊外放飛,影吓靚景。不過,出發前記住做好準備:
航拍Fans要查清楚可放飛嘅地點同限制。提提你:不妨為航拍機買份公眾責任保險;萬一隻機喺香港進行閒暇航拍嗰陣,發生意外,引起第三者意外身故、受傷或財物受損或損毀,而要負法律責任,都有保障。
至於行山人士,而家有好多流動應用程式(app)同網頁,可以幫行山人士計劃行程同做事前準備,其中有以下呢啲:
計劃行程
-「郊野樂行」app-介紹香港嘅山徑同路線,等行山人士可以因應個人興趣、體能、經驗,選擇合適路線
-「郊野公園樹木研習徑」app-介紹16條郊野公園樹木研習徑內所種嘅96種樹木,並附有前往各樹木研習徑嘅交通資料
天氣預測
-「我的天文台」app-了解天氣、降雨量、閃電預報等天文資料
通訊
-「MyMapHK」流動地圖應用程式-方便快捷地查閱數碼地圖,以及公眾設施嘅位置同資訊
- 通訊事務管理局「郊野公園流動電話服務」網頁-助你掌握行山路線嘅電話網絡覆蓋情況
*以上資料僅供參考,並不構成保險合約之一部分。有關大新保險公眾責任保險的條款、條件及不承保事項,將詳列於保單條款之內。