相關的專頁
專頁的最新帖子
姜濤24歲生日快樂!今日係430姜濤誕,除咗傳統習俗「姜濤灣」,一班姜糖仲喺沙田科學園舉行1.5公里慈善步行,有成超過6500人參加,非⋯⋯常疊馬!活動扣除成本後所籌得嘅善款會捐到麥當勞叔叔之家慈善基金、香港青年獎勵計劃、榕光社、兒童癌病基金、兒童心臟基金會、毛守救援及膳心小館7個組織。
咁有意義嘅活動,壽星仔於是突擊現身科學園,答謝一班姜糖咁有善心。壽星仔出場前喺樓上偷望一班姜糖,見到有成6500粒糖聲勢浩大咁多人,姜濤都嚇到變成emoji樣😲😲😲
姜濤驚喜出場後,同姜糖一齊唱生日歌、切生日蛋糕,搞到全場失禁式尖叫:「多謝大家今日出席,這年可能發生過一啲事,感謝你哋仍然仲喺度,無論是讚美、批評也好,我都會勇於接受。大家無論鍾意我與否,更應將自己放在第一位,更團結地一齊進步。」 查看更多
教主Anson Lo同Kelly今日現身沙田馬場擔任表演嘉賓,獲大批神徒曬馬撐場!而教主爸爸「教父」亦都有入馬場撐仔仔,唔知教父有無順便⋯⋯度返幾場馬仔呢?
Kelly同教主2018年曾經合作,當時教主擔任Kelly《打字機》MV dancer,5年之後教主已經係人氣歌手喇!Kelly接受訪問時話無諗過佢會成為歌手,因為當時唔知佢識唱歌。Kelly仲「誇誇群」上身,大讚教主好型好乖巧好好笑容,兼好專業好聰明,更加有留意教主嘅歌曲《Mr. Stranger》,覺得佢扮吸血鬼可塑性好高!
而教主就透露Kelly好窩心,因為等出場時Kelly主動撩佢傾計,仲問佢腳傷康復進度、有無食早餐。 查看更多
夏蕙 bb 真係香港嘅正義女神!
近月嚟,被稱為「香港後花園」嘅南生圍疑遭連環縱火,美麗嘅大自然景觀被燒成灰燼,香港人無一不心痛,包括香港女神黃夏蕙。
佢老人家日前有感而發,特登搭車去到南生圍,拍番輯寫真(放心,有著衫)。夏蕙 bb 身穿黑衣,表達對南生圍嘅悲傷,拍照時佢亦不忘挺起雙峰,令夏蕙 bb 性感氣質與大自然融為一體,燒成灰嘅南生圍頓時再次火辣辣。
夏蕙諗起以前好多愛情片都係喺南生圍拍,於是有感而發:「唉!要地方起樓,香港仲有大把可以揀,何必要搞Lee度啦?」夏蕙所言甚是!佢仲開出一個令人欲拒還迎嘅承諾:「下次再燒,我就實行讓半球(指酥胸半露),或者唔著衫咁影(寫真)!實行抗議呀!」
嘩… 雖然好唔想見到南生圍再遭不測,但夏蕙 bb 呢個衰妹嘅 offer 實在太吸引… 唔著衫嘅夏蕙,想睇嘅香港男人真係由南生圍排到去吉慶圍!好衰㗎你,夏蕙!我唔準你咁魯莽呀!
夏蕙最後咁講:「可憐下我Lee個老人家,唔好再搞南生圍,俾香港後花園Lee個美譽流傳落去啦,求求你!」係啦,無謂虐老,要個老人家俾兩蚊搭車入去舟車勞頓唔著衫影寫真啦,求求放過南生圍!
#我愛夏蕙bb影迷會
(圖片來源:facebook @ Wong Hawai)