徐淑敏高調慶祝奶奶八十大壽　婚後與奶奶姑奶同住13年令人佩服

現年38歲徐菁遙（前名徐淑敏、Suki）與富商黃浩婚後誕下三女後，她主力照顧家庭，相夫教女，黃浩亦修心養性，杜絕緋聞，令Suki專心做幸福少奶奶。Suki除了是滿分老婆，她更是一等一的好新抱，皆因她婚後一家五口一直與奶奶和姑奶一同住在大埔比華利山4,000呎豪宅，全屋四層連天台。日前，Suki更高調為奶奶慶祝80大壽：「奶奶八十大壽安康快樂 🎉🎁 福如東海🌊壽比南山⛰️笑口常開😊天倫永享。」，更帶奶奶豪住君悅的總統套房，非常有心！

Suki曾在《講媽Beli Bala》中透露自己的婆媳關係：「我同我奶奶同姑奶一齊住，我姑奶退咗休，佢好鍚我啲囡，佢擔當咗教育嘅角色，佢讀書叻過我好多，咁我都覺得好好，好放心交咗俾佢。」Suki更大讚奶奶和姑奶：「我覺得佢哋經驗一定豐富過我，我好願意佢哋教育我啲小朋友。（你哋冇衝突？）冇呀冇呀！」主持人對於Suki能夠收服奶奶和姑奶亦相當佩服！

點撃下圖睇Suki上流生活：