「獎老」徐文浩親自回應與新女的士纏綿：大家都飲醉咗

無綫藝員徐文浩有份主持兒童節目《Think Big天地》，以及擔任《開心無敵獎門人》獎老，而為人所認識！近日網上瘋傅一條的士車Cam片，一對男女於車廂中有親密互動，原來片中男主角就係徐文浩，引起網民熱議，仲話有啲似「安心事件2.0」添！

片中見到徐文浩同個女仔喺車廂後座並肩而坐，該女子衣着性感，身穿吊帶背心同短裙，仲懶理走光風險，「飛擒大咬」成個人撲上去攬實徐文浩，而徐文浩仲笑笑口冧到爆！事後，東網聯絡徐文浩，佢認自己係片中男主角表示：「尋晚同一個發展緊嘅女仔去咗飲酒，飲完之後大家都飲醉咗，我就Call的士送佢返屋企樓下，然後我就走咗！」早前徐文浩曾表示自己係單身，而佢之前就同過ViuTV女神級主持麥可怡（Krince）拍拖，不過佢哋拍拖短時間就分手，問到呢次喺車廂中個女仔係咪麥可怡？佢就話：「分咗手好多年。」