兄弟同心，其利斷金，這句說話大家都聽過，阿哥做前線，投資買賣，衝鋒陷陣，細佬做後勤營運，揸數管理，大家各施所長，加上家庭生意，本來大有可為。但一天，細佬開始嫌棄大佬，覺得和大佬合作，生意做不大。細佬跟住做既就係連用外姓人，另起爐灶，開檔新生意。
強積金界內的中銀保誠做信託人的2個計劃就係差唔多咁嘅情況，中銀保誠信託內現時有2個計劃：easy choice,簡易強積金同my choice,我的強積金。早前我們已提及中銀保誠信託公司以及資產管理公司這2間兄弟公司的奮鬥史。係2000年至2010年，中銀保誠2間兄弟合力打理easy choice scheme。但到了2010年，中銀保誠信託得到家族長老准許，自立門戶，連同其他當時得令的基金公司，開設my choice計劃。中銀保誠信託本身只做信託，並無投資牌照和功能，所以my choice 以買入市場上現有的APIF，好似JPM,Fidelity, Franklin Templeton等基金公司的基金。
中銀保誠信託深明my choice 想在列強中生存，收費一定要夠平，信託公司的本業在trustee,信託業務，而MPF內的trustee fee 可以在cf成份基金層面和underlying fund底層基金層面收取。
對家族生意Easy choice，中銀保誠信託做trustee，CF層面收0.55%， 底層收 0.0875%。
而中銀保誠信託自己生意，my choice，收費當然和家族大鍋飯唔同，cf層面收0.54%， 底層則各隻基金不同，最低可平至0.02%！
比較整體收費，根據mpfa 網站資料，My choice 有14隻基金，平均收費0.96%，對比easy choice有16隻基金，平均收費1.3%。
以今年表現十分突出的中國股票基金為例，my choice 的中國股票基金去年總收費1.1%，遠遠平過easy choice的中國股票基金的1.68%總收費。
中銀保誠信託一方面營運家族生意，幫easy choice 做 trustee，另一方面，另起地盤，自己trustee fee又收平啲，整體fee又平，以此搶客。my choice到底係會搶到其他公司的客，還是搶咗easy choice的客？
整體計劃來講，my choice 入面有14隻基金，同easy choice一樣，香港股票基金類就有一隻主動型一隻被動型。年初至11月底表現，my choice 14隻基金，有9隻表現優於同類別的平均數。而My choice 的中國股票基金，底層買入JPM的大中華股票基金，今年表現十分突出。
easy choice 表現方面又如何？Easy choice 雖然成立時間久遠，參與的供款人數比my choice多很多倍，但整體投資表現，就貼近底線橫行（笑）。
大家睇圖可以見到，easy choice計劃共有16隻基金，香港股票基金類有一隻主動型一隻被動型。年初至11月底表現，16隻基金，得5隻表現優於同類別的平均數。而截至11月底，easy choice 既3年表現，16隻基金入面也只有一半即8隻優於類別的平均數，但呢個數對於easy choice來說已經是不錯了，因為如果再睇5年表現，14隻基金內只得5隻基金是優於類別平均，而如果參考10年表現的話，10隻基金只得2隻優於類別平均。
雖然easy choice 整體表現唔係咁理想，但計劃中也不是完全無可取之處。easy choice 內有幾個亮點大家可以留意一下。
第一，環球股票基金。在圖中可以見到，計劃內的環球股票基金在不同年期都優於同類別的平均。我哋將easy choice,my choice同同類別平均在近10年的表現做比較，早年easy choice 表現一直較差，但近期不斷力追，最後佢自己操盤的環球股票基金仲贏埋my choice和同類別平均數。
第二，美股指數基金，同歐洲指數基金。easy choice 都有MPF市場內的獨市產品，就係美股指數基金，和歐洲股票指數基金。指數基金和主動型基金分別在於主動型會取決於基金經理的能力，未必每年都能跑贏其他對手。
各位有留意我們頻道的朋友都知道，今年mass的美股基金十分突出，絕對贏同類別基金幾條街，它跑贏的原因是基金經理管理方法偏重於增長風格，詳情可睇番我哋呢條片。增長風格在今年大放異彩，但在往後是否能一樣出色？就無人知道。所以有些供款人寧願相信被動式管理，不求表現優於大市，只求與大市同步。Easy choice就提供了幾種指數基金給供款人。
雖然是追踪指數，easy choice內的北美追踪指數基金和歐洲追踪指數基金，相對表現一點都不差。看圖可以見到北美指數基金同同類別平均回報的比較。呢兩隻指數基金2012年先有，所以我哋睇2012年底到今年11月的表現。圖中可見北美追踪指數基金同同類別平均的表現好近，大家都升了近150%！而歐洲方面，easy choice 既歐洲股票基金開始時表現不及類別平均，但近年已經跑贏平均了。
第三， Easy choice內的保守基金表現在同類別內排名頭幾位，10年回報累計有5.47%，只差過BEA和bcom。我哋之前有片講過，保守基金的主要功用是作為避風港，在市場不穩時泊入。
北美市場近年表現強勁，而歐洲過往幾年經濟一直不振，估計未來前景維持不明朗，但歐洲大市的短期反彈可以很強勁，如最近11月的反彈，歐洲類別平均反彈16.07%。所以依家用緊easy choice計劃而又對歐美等市場有興趣的朋友，如果識得靈活運用指數基金以及保守基金，都可以有不錯的表現。
最後，如果將easy choice同my choice作比較，My choice收費又平啲，表現又突出啲，大家講到中銀保誠的計劃時，一般都係暗指my choice。但點解長年以來easy choice的市佔率一直都穩佔市場頭幾位，而my choice市佔率則長期在中後位置？數據顯示Easy choice 資產總值佔mpf市場7% ，總額約710億，而my choice資產則大概26億，只佔mpf市場約 0.25%。
大家要知道現時公司用哪間強積金計劃都是由公司決定。供款人只可轉走自己的舊公司戶口或通過基金半自由行轉走部分現有的供款。因為種種原因，令到一般供款人都不大積極轉換強積金計劃。所以即使計劃表現不濟，只要大型機構僱主繼續選用，計劃也不會有大量的走資情況出現。而easy choice 一直以來都是大型中資機構所指定選用的強積金計劃，以及一直是政府所選取的3家強積金計劃之一，所以一直以來市佔率相對穩定。
表現不濟但仍佔有大市場份額的供應商，表示了供款人不大積極管理自己的強積金。各位朋友，應該多留意自己的強積金，積極管理呀，必要時甚至應轉換供應商。
美股表現近年持續強勁，不知如何入手？我們精選了10隻高增長美股，並撰寫了《不應錯過的10隻高增長美股》免費報告。立即按此下載！
想提早退休? 想提高每月的被動收入?
我們撰寫的《必須收藏的收息股投資指南》電子書用實例教您挑選出真正可長期持續派息的收息股及揭示必要避開的收息「陷阱」。要知道打造穩健收息投資組合的竅訣，請立即按此免費下載！
本文所提供的信息僅供一般參考之用，並不構成任何個人化的投資勸誘或建議。作者沒持有以上提及的股票。
HK MoneyClub (www.hkmoneyclub.com)
