暴肥16磅！張藝興齋睇炸雞當食咗

型男張藝興最近肥咗16磅，佢為咗回復靚身形，進行地獄式減肥，佢公司將佢減肥片段放上網，見佢對美食只係可以睇、可以聞、可以摸，但就唔可以食落肚，佢恨食恨到流口水，坐咗喺地下望住啲炸雞，目瞪口呆。佢話依家168磅，當上磅時以為個磅壞咗，點知第2個磅都係呢個數字，搞到佢無晒心機。

佢望住啲炸雞最後忍唔住，戴起膠手套，隨手拿起件雞攞入口，扮咬件雞，之後又將件雞放低當食咗，但都唔可以滿足到佢，再試第2次，又係忍住冇真係咬落去，睇到佢咁忍口，都覺得佢慘。