Boy'z的其中一員張致恆（Steven）早前突然宣布結婚，當全世界都以為主角係佢公開拍拖多年嘅梁皓恩（April），點只原來係一個叫叫「雯雯」嘅圈外人，隨後更俾April暗指一腳踏幾船，又爆佢借錢唔還，又爆「性上癮」嘅佢原來唔只一次咁樣背女偷食，渣男形象浮哂上面，受盡千夫所指。形象插水仲搞到原本9月紅館嘅Boy'z演唱會都被cancel，最慘嘅一定係關智斌（Kenny）。爆完Steven，網民都對呢位未婚妻雯雯相當好奇，表示之前Steven嘅前女友個個都甚有姿色，身材又好，雯雯相比之下就極度「平凡」，但原來一經起底之下，呢位雯雯都曾經做過Model，睇返佢做Model嘅相，可能大家都明白點解Steven會揀佢嘅！
登入 瀏覽本網站，可獲取積分換領專屬優惠
點擊查看專屬優惠
在「Hello Online Model」嘅模特兒網站上，就有一名叫區雯雯嘅模特兒，樣貌都非常清純，是男生喜歡的鄰家女孩型。
有網民唔明點解Steven之前嘅女友，不論莊端兒、鍾舒漫還是「前女友」April都是明星，又是身材姣好的類型，而雯雯三圍不算標青，樣貌又唔係特別出眾，點解睇得上佢？
咁有時候，愛情呢家嘢，唔係一定要追求樣靚身材正嘅，尤其喺男人眼中，揀女朋友和揀老婆嘅條件又真係唔同嘅。
該Model網站上亦有多張「區雯雯」拍攝於2014年的照片，網站上也列出區雯雯嘅三圍數字及身高151cm等資料，身型嬌小，拍喺高大魁悟嘅Steven身邊，都真係小鳥依人嘅~
而且，雯雯都係追星族，有報導傳言就話佢曾經同關楚耀和Supper Moment嘅Sunny拍過拖，相信性格和手段方面都有啲能耐嘅~
▲張致恆Steven「前女友」April，係舞台劇演員。
▲張致恆Steven另一位普公開嘅女朋友莊端兒，都係做幕前。
▲身材非常好，絕對是男人會揀做女朋友嘅類型！
有報導指雯雯曾跟Supper Moment的Sunny拍過拖，日前Sunny出席公開活動時被問及佢同雯雯嘅一段情，佢就回應話「冇開花結果嘅唔好講」，又表明好耐冇同雯雯聯絡，暗指兩人真係有拍過拖！
不過現年30歲嘅Sunny，其實都已經同拍拖多年嘅圈外女友Emily感情穩定，更不時喺IG公開放閃，雯雯呢啲「過去式」真係提嚟都無謂了。
屬於「追星族」嘅雯雯，會用各種方法向明星埋手，進取嘅性格令到有傳聞話佢同關楚耀都有過一段曖昧關係。
有網民指，當年關楚耀同衞詩拍拖時，雯雯就經常送上門，不過最終都係冇拍過拖嘅，只係雯雯單方面嘅主動。
亦都有報導指，Steven同粉絲雯雯未婚生仔，原本都只係一夜情關係，亦都唔係第一次搞出人命，對上一次只係雯雯懷孕個多月就不幸小產。
不過兩個人嘅情史係點都好，最終Steven又肯承諾會好好對幫佢生咗小朋友嘅雯雯，而雯雯又已作人母，兩個曾經少年輕狂嘅年青人肯修心養性係最重要，畢竟小朋友係最無辜嗰個，要好好養大呢個小朋友，其他嘅就由時間去證明，不用多說嘅！