張致恆遭貼街招追數疑着草 老婆雯雯IG千字文鬧爆債主Naomi

張致恆遭貼街招追數疑着草 老婆雯雯IG千字文鬧爆債主Naomi

撰文:邱愛霖
出版:更新:

藝人張致恆(Steven)早前遭𡃁模馮鎵瀠(Naomi)公開追債,上月24日更被爆出居住的元朗村屋外遭人貼街招追數,才揭發張致恒一家已搬離上址,疑似着草避債,電話亦無法接通,與外界完全斷絕聯絡。

張致恆(Steven)全家福。(stevencheung@instagram)

今日(14/3)Steven老婆區燕雯(雯雯)突然在Instagram發千字文,道出事件另一版本。首先雯雯感謝Naomi願意借出兩萬元,並為遲還錢致歉。之後開始澄清外界傳聞,指未有消失「走數」,更自爆向財務公司借錢,旨在為還錢給Naomi。

「我哋去到絕路已經去咗借財務,去還一半錢畀你先,好抱歉我哋冇能力一次過還清2萬蚊畀你,我哋亦已經承受緊我哋要承受嘅,畀財務貼街招甚至追上門。但係我依家喺呢度答應你,我一定會用盡我嘅能力兩個月內還埋呢1萬蚊畀你。」

雯雯千字文道出欠債事件另一版本。(IG@aumanmannnn)

她續稱,Naomi為追債而騷擾其家人,更以家人作威脅,「我嘅家人係無辜嘅,你要嬲要追我哋還錢可以嚟搵我哋一家四口,但係點解叫我哋還錢嘅時候,要用我屋企人嚟威脅我哋去還錢畀你,點解要講到搵人去騷擾我嘅媽媽拎返屬於你嘅錢。」又指自己並非如外界所傳般富貴,連玩具都是親戚送贈。

另外她又為老公Steven洗白,指他是好爸爸亦已努力工作,一有收入已立即還錢,最後承諾未來會陸續還清所有債務,絕不會借錢不還。

馮鎵瀠(Naomi)曾與Steven是好友,亦是其債主。(IG@naomifky)

至於Naomi一方就否認曾騷擾對方家人:「唔好覺得人哋去追債就係逼你,你唔借錢就唔會有人追你,你本身唔係使大咗,就唔需要問人借錢。」又指自己收了一半還款後已沒有再追債。

同場加映:東張西望 | 馮盈盈江嘉敏火藥味濃 疑互相揶揄要求高兼行為不當

+20

再看靚相:

+1