《第41屆香港電影金像獎》將於下星期日晚舉行，張繼聰今屆憑《窄路微塵》和《飯戲攻心》分別入圍競逐「最佳男主角」和「最佳男配角」，今日凌晨他貼出一張17歲的舊照，透露自己心情緊張，直言「真係好難平常心」，又指自己從事演員多年以來的心態一直未變。
張繼聰今日凌晨在IG公開一張於1997年拍攝、當年只有17歲的陳年舊照，寫道：「果時第一次參加學校嘅舞台劇製作，唔係做演員喎，而係做舞台助理，即係打雜，乜都要做，辛苦到飛起。依個係校規，每位新生都一定要做，但係捱完之後，將來做演員你就會明，企上台，其實有幾多人幫緊你。」他坦言，當時這個體驗令自己直到今日，依然對身邊每一位工作人員抱住感恩的心。
張繼聰續道：「由果時開始，我就同自己講『幾艱難都好，我一定要做個出色嘅表演者』，眨吓眼，就過咗26年….唔肯定我做唔做到一個出色嘅表現者，不過肯定嘅係，原來真係好艱難，瞇埋眼，諗起依26年，為咗成為一個表演者，行過嘅每一步，捱過嘅每一刻，仲有，無數咁多次同自己講『聰，你得㗎，你仲有半滴㗎，頂埋佢』，諗番起一路以嚟嘅所有…原來真係會控制唔到條淚腺。」
張繼聰非常感恩到了43歲的今日，他仍然是一個表演者，覺得自己愈來愈幸運，所以唯有更加努力。對於首度入圍金像獎男主角，他坦言心情緊張:「原來下個禮拜金像獎，真係好難平常心，我份人都算好chill，都真係有少少緊張，赢輸，真係唔係重點，重點係佢硬係未到，梗係唔知點咁，不過咁，可以去到呢一步，都算係咁啦的。一於嘆盡佢！唔係咩吖？」最後，他對當年17歲的自己說：「我冇辜負你嘅演員夢，會繼續劈落去。」
