華晨宇張碧晨急認秘密生女 一家三口全家福曝光|即時新聞|繽FUN星網|on.cc東網

華晨宇張碧晨急認秘密生女 一家三口全家福曝光

20210123
東網電視
更多新聞短片
內地歌手華晨宇尋日(22日)傳與內地女歌手張碧晨秘密生B,張碧晨更自爆當初係暪住華晨宇偷偷佗B兼產女後先告知對方,華晨宇亦承諾畀小朋友1個完整戶口,間接承認2人已秘婚。
今日即有網友上載華晨宇、張碧晨為孩子上戶口嘅3人合照,見華晨宇、張碧晨分別舉住寫有名字和出生年月嘅白板,女兒中文名亦疑似曝光為「華迎晨」​。
另外,有網友翻出早在2018年就有網友發文稱華晨宇對張碧晨「出軌」,甚至曾叫張碧晨墮胎等字眼,不過華晨宇工作室已對此發表聲明,反駁傳言並表示已進行取證,會保留追究法律責任權利,呼籲大眾唔好繼續造謠、傳謠。
G.E.M.無辜捲入風波
另外,歌手鄧紫棋(G.E.M.)亦被捲入事件當中,早在2016年同華晨宇傳緋聞嘅佢,及後推出歌曲《畫》時,歌詞入面「我把你畫成花,未開的一朵花,再把思念一點一滴,畫成雨落下」,有網友指「畫成雨」以男方個名嘅諧音嚟憑歌寄意,加上佢曾經為歌曲《很久以後》接受台灣傳媒訪問,指係為前度創作,話當時某啲原因被迫分開,更要用年幾時間走出情傷。
但有心水清嘅網友指,G.E.M.喺2016年同華晨宇傳緋聞,翌年同造型師Mark拍拖,而男方則喺2018年同張碧晨拍拖,所以時間上並唔脗合。