雅虎香港新聞 
回顧85歲楚原昔日後生英俊相 廿零歲時好很靚仔！
最近無綫深宵重播 九十年代處境喜劇《卡拉屋企》，當中以上年獲香港電影金像獎頒發「終身成就獎」嘅楚原最搶鏡，今次藉佢嘅舊照片，重溫呢位現年85歲著名老牌導演兼演員嘅昔日風采。
撰文：東方新地｜圖片：東方新地
延伸閱讀：
【金像獎2019】《特警新人類》合體頒獎 20周年重聚暗示開拍第三集
回顧85歲楚原昔日後生英俊相
｜59年 廿零歲好很帥
楚原55年以筆名秦雨投身編劇工 作，59年以楚原之名初任導演拍攝謝賢、南紅合演嘅《 湖畔草 》，相中嘅楚原 約莫廿零歲，英俊帥哥極具小生相唔全 職做演員有啲嘥。
紅星爸張活游
楚原喺著名粵 語片紅星爸爸張活 游影響下加入電影 圈，64年因股東吳 回退股同白燕息影， 兩父子要獨力經營 山聯影業公司，堅 持拍攝家庭倫理同 反封建電影。
｜64年 最後合作
「華南影后 」白燕(中)64年宣布息影 ， 最後 一部電影係山聯第六部作品《瘋婦》，並親任監製兼同張活游(右)合演，套戲由楚原執導，三人最後一次合作成為佢哋代表作之一。
｜67年 迎娶南紅
粵語片紅星南紅56年加入光藝製片公司時，認識正跟秦劍學編劇同導演嘅 楚原，兩人相戀九年喺64年底訂婚，67 年10月28日結婚，兩人結婚 超過半世紀係圈中模範夫妻。
｜69年 現身解畫
69年楚原執導由太太南紅、曾江、朱江、沈殿霞、狄娜等合演 嘅 《冷暖青春》， 電影一開場楚原就坐喺命案現場講解套戲嘅內容，手法喺當年嚟講算新穎。
｜72年 老友記李小龍
「一代武神」李小龍經常到邵氏探班兼同兒時好友楚原敍舊，呢張72年6月影嘅相，楚原到嘉禾片場探正拍攝《 猛龍過江 》 ending 決戰嘅李小龍班，兩人見面即握手展示友誼。
｜83年 睇中偉仔
83年8月楚原喺公開場合遇上梁朝偉，表示睇中對方打算合作，結果85年離開邵氏嘅楚原，開拍喜劇電影《花心紅杏》就搵咗偉仔做男主角夥拍鍾楚紅同夏文汐。
｜85年 演大毒梟
楚原嘅電影代表作，係85年《警察故事》 畀成龍亡命式緝捕嘅大反派毒梟朱滔，演得夠奸，ending畀由商場七 樓跳燈飾鋼管落地嘅成龍狂毆令人印象難忘。
｜91年 加入TVB
91年楚原轉戰電視圈加入無綫，首部劇集係時裝處境瘋狂喜劇 《卡拉屋企》，劇中演退休差佬黃家景，口頭禪係「古語有云」，係個蠱蠱惑惑師奶仔性格嘅大細路，「白頭佬」形象深入民心。
｜92年 卡拉拜年
92年初電視劇《卡拉屋企》一眾演員左起 : 李婉華 、 黎海珊 、 鄭敬基 、 盧宛茵 、 楚原、秦煌、吳鎮宇同觀眾拜年，楚大導更親寫福字揮春，好傳統咁倒轉擺寓意「 福到 」。
｜96年 經典如來佛祖
除「白頭佬」外，楚原另一經典電視角色， 係將張衞健演嘅孫悟空，困喺五指山嘅如來佛祖 ， 喺96 、98年版《西遊記》兩次飾演法力無邊嘅佛祖。
延伸閱讀：
